COVID-19: Ұстаздар кәсіподағы қазақстандықтарға 47 млн теңгеге көмек көрсетті
«Қазақстандық салалық білім және ғылым қызметкерлері кәсіподағы» ҚБ «Біз біргеміз» акциясына қатысып, қазақстандықтарға 47 млн теңгеге көмек көрсетті, деп хабарлайды салалық кәсіподақтың баспасөз қызметінен.
Төтенше жағдай режимі енгізілген сәттен бастап салалық білім және ғылым қызметкерлері кәсіподағының мүшелік ұйымдары өз бюджеттерінен шұғыл түрде 46 744 мың теңге бөлді. Бұл қаражаттарға 5 мыңға жуық отбасыға көмек көрсетілді. Олардың арасында көпбалалы, аз қамтылған отбасылар, ардагер педагогтар, егде адамдар мен мүгедек жандар бар. Кәсіподақ өкілдері өңірлерде оларға жеке қорғаныш құралдарын – маскалар, бір реттік қолғаптар, залалсыздандыратын және антисептикалық құралдар мен азық-түлік себеттерін жеткізіп берді. Сонымен қатар, еріктілердің күшімен 200 мыңға жуық маскалар тігіліп, аймақ тұрғындарына тегін таратылды.
Анықтама: «Қазақстандық салалық білім және ғылым қызметкерлерінің кәсіптік одағы» қоғамдық бірлестігі 731 000 астам кәсіподақ мүшесі бар ең ірі қоғамдық ұйым. Құрамына 20 мүшелік ұйым кіреді. Кәсіподақтағы жас мамандардың үлесі 33%.
«Қазақстандық салалық білім және ғылым қызметкерлерінің кәсіптік одағы» ҚБ- нің баспасөз қызметі
[xfvalue_img]
