Ақмола облысының Сыбайлас жемқорлыққа қарсы қызметі әлеуметтік осал отбасылардың балаларына арналған жаңа жылдық мереке өткізді
«Мейірімділік акселераторы» әлеуметтік жобасы аясында ҚР Сыбайлас жемқорлыққа қарсы іс-қимыл агенттігінің Ақмола облысы бойынша департаменті Көкшетау қаласының әкімдігімен бірлесіп ұйымдастырған «Достар» мәдениет үйінде мерекелік жаңа жылдық іс-шара өтті.
Қайырымдылық ертеңгісіне аз қамтылған және көп балалы отбасылардың балалары, сондай-ақ мүмкіндігі шектеулі балалар шақырылды.
Іс-шара барысында «Жаңа жылды құтқару операциясы» жаңа жылдық ертегі-мюзиклінің көрсетілімі өтті, балалар оны қуана тамашалады.
Ертеңгілікте қонақта Аяз Ата, Ақшақар және келе жатқан жылдың символы Тышқан болды, олармен балалар ән айтты, би биледі, хоровод жүргізді, көңілді ойындар ойнады.
Департамент басшысы Мұрат Төлеубаев атап өткендей, Ақмола жемқорлыққа қарсы қызметінің қызметкерлері корпоративтік өткізудің орнына әлеуметтік осал отбасылардың балаларына қайырымдылық көмек көрсетті, өйткені мұндай балалар әсіресе махаббат, назар және әлеуметтік қолдауды қажет етеді.
Мереке соңында Департамент басшылығы барлық қатысушыларды келе жатқан Жаңа Жылмен құттықтап, балаларға Департамент ұжымынан тәтті сыйлықтар берді.
Қазақстан Республикасының Сыбайлас жемқорлыққа қарсы іс-қимыл Агенттігінің Ақмола облысы бойынша Департаменті
[xfvalue_img]
