Кибер қылмысына қарсы іс-қимыл басқармасы қаржылық сауаттылықты арттыру бойынша дәріс оқыды
Астана қалалық Кибер қылмысына қарсы іс-қимыл басқармасының қызметкерлері қаладағы мектептерде қаржылық сауаттылықты арттыру мақсатында дәрістер өткізді.
Дәріс барысында кибер қылмыстардың түрлері, олардың қоғамға тигізетін зияны, сондай-ақ интернет арқылы жасалатын алаяқтықтың кең таралған әдістері түсіндіріліп, нақты мысалдар келтірілді.
Аталған іс-шараның басты мақсаты – оқушылар арасында цифрлық гигиена мәдениетін қалыптастыру және интернет кеңістігіндегі қауіп-қатерлер туралы хабардарлықты арттыру.
Тәртіп сақшылары тыңдаушыларға жеке деректерді қорғау, күмәнді сілтемелер мен хабарламалардан сақтану, бейтаныс адамдарға банк шоттарының мәліметтерін бермеу жөнінде кеңестер берді.
Астана қалалық Полиция департаменті азаматтарды интернет алаяқтарына алданбауға шақырып, күмәнді жағдай туындаған кезде бірден полицияға жүгінуге кеңес береді.
Астана қаласы ПД баспасөз қызметі
[xfvalue_img]
