Ozon Қазақстанның бас директоры ауысты
2025 ж. 9-қаңтар – Мөлдір Рысалиева Ozon Қазақстан бас директоры қызметінен кетті. Компанияны уақытша Ozon ТМД елдеріндегі операциялық директоры Алексей Сапон басқарады.
Мөлдір Рысалиева 2021 жылдан бастап Ozon Қазақстан бас директоры қызметін атқарды. Оның басқаруымен Ozon Қазақстан республикадағы интернет-сауда саласындағы әлеуметтік маңызы бар компаниялардың бестігіне кірді. Бүгінде Ozon.kz жылдам әрі тегін жеткізу қызметі бар кітаптар мен киімдерден бастап азық-түлік пен тұрмыстық техникаға дейінгі 370 миллионнан астам тауар атауын ұсынады. Қазақстандық белсенді сатып алушылар саны 500 мыңнан асты. Компания республикада тоғыз логистикалық орталықты басқарады, сонымен қатар елдегі ең үлкен тапсырыс беру желілерінің бірін дамытып отыр.
“Бүкіл Ozon Қазақстан командасының атынан Мөлдірге бизнесіміздің дамуына қосқан үлесі үшін алғыс айтқым келеді. Оның қажырлы еңбегі мен біліктілігінің арқасында Ozon елдегі электрондық коммерция нарығындағы позициясын нығайтты және қызмет көрсету сапасын айтарлықтай жақсартты. Оның жұмысы бүкіл командамыз үшін тамаша үлгі болатынына және алдағы жетістіктерге шабыт беретініне сенімдіміз", - деді Алексей Сапон.
Ozon Қазақстан - штаб-пәтері Алматыда орналасқан көп санатты маркетплейс. Компания 2021 жылдан бастап елдегі логистикалық инфрақұрылымын дамытып келеді. Бүгінде компанияның логистикалық қуаттылығын республикадағы 3 фульфилмент-орталық, Алматы мен Астанадағы 2 сұрыптау орталығы, сондай-ақ Қостанай, Ақтөбе, Атырау және Шымкент қалаларындағы 4 сұрыптау орталығы дәлелдейді. 2024 жылдың 3 тоқсанында бүкіл ел бойынша Ozon тапсырыс беру пункттерінің саны алдыңғы жылмен салыстырғанда 1,7 есеге өсті. Ozon Қазақстан айналымы 2024 жылдың 3 тоқсанында 2023 жылдың сәйкес кезеңімен салыстырғанда 2,3 есе өсті.
[xfvalue_img]
