Алматы қаласы Мәслихатында жаңа депутат сайланды
Қазақстан Республикасының «Сайлау туралы» Заңына сәйкес, «AMANAT» партиясының тізімі бойынша мәслихат депутатының бос мандаты Кристина Юрьевна Бекмырзаеваға берілді.
Естеріңізге салсақ, депутат Әсия Ақанова өз өкілеттігін мерзімінен бұрын тоқтатып, мемлекеттік қызметке ауысуына байланысты депутаттық корпус құрамында бос орын пайда болды.
Кристина Бекмырзаева – еліміздегі жүйелі мәдени және әлеуметтік бастамалардың жетекші көшбасшыларының бірі. Алматы қаласының тумасы, ол өнер саласындағы жоғары білімді О. Тансықбаев атындағы Алматы көркемсурет училищесін, Т. Жүргенов атындағы Қазақ ұлттық өнер академиясын және FH Aachen - University of Applied Sciences оқу орнын тәмамдаған.
2012 жылдан бастап мәдениет, урбанистика және әлеуметтік саясат саласында белсенді жұмыс істеп келеді. Әр жылдары қоғамдық және мәдени ұйымдарды басқарған, «Алматы» галереясын басқарған, сондай-ақ «Almaty Creative» ЖШС қадағалау кеңесінің мүшесі және «Almaty Creative Bureau» шығармашылық бірлестігінің көшбасшысы болған. Оның портфолиосында қалалық ортаны дамыту мен өмір сүру сапасын жақсартуға бағытталған 100-ден астам табысты жүзеге асырылған жоба бар. Ең маңызды бастамаларының қатарында: Алматыда комьюнити орталықтарын құру, «Шапағат» және «Әлеуметтік қызметтер үйі» сияқты әлеуметтік-мәдени орталықтар, Almaty Gallery, көше өнері жобалары, кітапханалар мен мәдениет үйлерін қалпына келтіру және қайта жаңғырту жұмыстарын атауға болады. 2018 жылдан бері «AMANAT» партиясының мүшесі.
«Кристина Бекмырзаева өзін жауапты әрі бастамашыл көшбасшы ретінде көрсете білді. Урбанистика, мәдениет және әлеуметтік саясат саласындағы оның тәжірибесі алматылықтардың өмір сүру сапасын жақсартуға және өзекті мәселелерді шешуге қажетті болады. Депутаттық корпустың құрамындағы оның жұмысы қала дамуына елеулі үлес қосатынына сенемін», – деп атап өтті Алматы қаласы мәслихатының төрағасы Мейіржан Отыншиев.
Алматы қаласы мәслихатының баспасөз қызметі
[xfvalue_img]
