ҚОҒАМДА СЫБАЙЛАС ЖЕМҚОРЛЫҚҚА ҚАРСЫ КӨЗҚАРАС ҚАЛЫПТАСТЫРУДАҒЫ РУХАНИ ТӘРБИЕНІҢ ОРНЫ
«ANTIKOR.LIVE» жобасында Нұр-Сұлтан қаласының бас имамы Ерболат Жүсіпов пен ҚР Сыбайлас жемқорлыққа қарсы іс-қимыл агенттігінің Нұр-Сұлтан бойынша департаменті басшысының бірінші орынбасары Бақытжан Ниязов «Қоғамда сыбайлас жемқорлыққа қарсы көзқарас қалыптастырудағы руханилық және адамгершілік» тақырыбында тікелей эфир өткізді.
Кездесу барысында Ерболат Жүсіпов сыбайлас жемқорлықтың рухани-адамгершілік салдарын түсіндірді. Сондай-ақ, рухани тұғырнаманың негіздері: имандылық, отаншылдық, ауызбіршілік, еңбекқорлық, адалдық, әділдік туралы түсінік берді.
Сонымен қатар, сыбайлас жемқорлықты жою үшін қоғамда адамгершілік қасиеттерді, оның ішінде парасаттылық, адалдық, әділдікті қалыптастыру қажет екендігі де атап өтілді.
Қорытындылай келе, тікелей эфир қонағы ислам дініне сәйкес, сыбайлас жемқорлық, пара беру де, алу да, арасында делдал болу да үлкен күнә болып табылатындығын атай келе, адал еңбек етіп, еліміздің нағыз патриоты болуға шақырды.
Тікелей эфир сілтемесі: https://www.facebook.com/astana.adaldyq.alany/videos/938877746934813
[xfvalue_img]
