Астананың жанында Родина ауылында өрт сөндіру бекеті ашылды
Целиноград ауданы Родина ауылында ағымдағы жылғы 25 қыркүйекте «Агрофирма» «Родина» ЖШС базасында өрт сөндіру бекеті ашылды. Іс-шара 2019-2020 жылдарға арналған Ақмола облысының елді мекендерінде кезең-кезеңімен сөндіру бекеттерін құру жоспарын іске асыру шеңберінде өткізілді.
Рәсімге Ақмола облысы Төтенше жағдайлар департаменті бастығының орынбасары Манарбек Шапағатов, облыстық мәслихаттың депутаты Андрей Веревкин, ауылдық округтің әкімі Талғат Мұқышев, Родина ауылының тұрғындары қатысты.
Өрт сөндіру бекеті жылытылатын бокспен қамтамасыз етілген, телефон байланысы жұмыс істейді. Жарағында өрт сөндіру автомобилі бар, жауынгерлік кезекшілікке бекеттің жеке құрамы төрт адам тұрды, өрт сөндіру бекетінің шығу радиусында 2000 адамнан астам халқы бар үш елді мекен орналасқан.
«Біздің облысымызда Родина ауылында ашылған өрт сөндіру бекеті 25-ші,оның бәрі жергілікті атқарушы органдармен бірлесіп ашылған. Жаңадан құрылған команда тек өртті сөндіріп қана қоймай, сонымен қатар олардың жауапкершілік аймағында болған басқа да төтенше жағдайларды жоюға қатысады, қиын жағдайға тап болған адамдарға, халыққа көмек көрсетеді », - деді Ақмола облысы Төтенше жағдайлар департаменті бастығының орынбасары Манарбек Шапағатов.
Родина ауылының тұрғындары табиғи апатты бірнеше рет сезінген, сондықтан елді мекенде өрт сөндіру бекетінің ашылуы туралы хабарды ризашылықпен қабылдады. Енді ауыл тұрғындарының төтенше жағдайлар мен өрттерге қарсы тұру мүмкіндіктері айтарлықтай өсті, халықты қорғау жүйесінің тиімділігі нығайып, тағы екі жақын маңындағы Садовое және Зеленый Гай ауылдары өрт сөндіру бекетіне қызмет көрсететін болады.
Ақмола облысы Төтенше жағдайлар департаментінің баспасөз қызметі
[xfvalue_img]
