Мемлекеттік қызметшілердің тиімділігін арттыру және уәждемелеудің жаңа шарттары
2018 жылы Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл Агенттігінде және оның аймақтық департаменттерінде пилоттық режимде факторлы-баллдық шкала мен бонус ретіндегі өзгермелі бөліктен тұратын жаңа еңбекақы төлеу жүйесі енгізілді.
Оның басты мақсаты – еңбекақы төлеудегі теңгермешіліктен бас тарту және мемлекеттік қызметшілерді материалдық тұрғыда уәждемелеудің әлдеқайда тиімді тетігін құру, мемлекеттік сектордағы менеджменттің заманауи құралдарын енгізу болып табылады.
Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Ақмола облысы бойынша департаменті қызметкерлерінің өткен жылғы жұмысын бағалаудың қорытындысы «өте жақсы» және «тиімді» нәтижелерді көрсетті. Төленген бонустардың мөлшері олардың қызметін бағалау нәтижелеріне сәйкес келеді.
Жаңа еңбекақы жүйесін енгізудің арқасында мемлекеттік қызметшілер өздерінің әлеуметтік-тұрмыстық жағдайларын жақсартты. Мысалға, тұтынушылық несиелерін жартылай жауып, автонесиелендіру арқылы автокөлік сатып алу үшін алғашқы жарна төлеп, тұрғын үй сатып алу үшін ипотекалық несиелерді рәсімдеді.
Оған қоса, Департамент қызметкерлері ауыр науқас Райымбек Баймұханов есімді жасөспірімге материалдық көмек көрсетуге шешім қабылдады. Бұған дейін баланың туыстары әлеуметтік желілер мен бұқаралық ақпарат құралдары арқылы көмек сұраған.
«Жаңа еңбекақы жүйесі мен жыл қорытындысы бойынша төленген бонустық төлемдер маған Тұрғын үй құрылыс жинақ банкі арқылы сатып алынған үйдің несиелік қарызының шамалы өтеуге мүмкіндік берді. Мен бүгінгі таңда мемлекеттік қызметшілердің жұмысының тиімділігін арттыру үшін және олардың әлеуметтік жағдайларын жақсарту үшін жасалып жатқан жағдайлар үшін қуаныштымын» - деп Департаменттің әкімшілік басқармасының бас маманы Людмила Алексеева айтып өтті.
«Өзінің «Болашаққа бағдар: Рухани жаңғыру» атты мақаласында Ұлт көшбасшысы Н.Ә.Назарбаев «… бүгінгі таңда ұлт өзінің бәсекеге қабілеттілігін дамыта отырып қана сәттілікке қол жеткізе алады...» деп атап өткен. Сол себепті жұмыс нәтижелерін бағалау және мемлекеттік секторда жаңа еңбекақы жүйесін енгізу сияқты инновациялық әдістерді енгізу еліміздің мемлекеттік қызмет жүйесін дамытуға салмақты үлес қосатыны анық» - деп Департамент басшысы Берген Беспалинов атап өтті.
Жазира Тоқтар
Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің
Ақмола облысы бойынша департаментінің баспасөз хатшысы
[xfvalue_img]
1 пікір