Қазақстан адами капиталының даму индексі бойынша 31 орынды, оның ішінде білім беру бойынша 10 орынды иеленуде.
Дүниежүзілік банкінің білім беру практикасы бойынша басқарушысы Harry Patrinos ОКҚ баспасөз конференциясында былай деді: «Қазақстан 157 ел арасында адами капиталының даму индексі бойынша 31 орынды, оның ішінде білім беру бойынша 10 орында тұр. Бірқатар мемлекеттерде өте төмен нәтижелерді көріп отырмыз. Бүгінгі таңда Сингапур адами капиталды дамыту және білім беру бойынша ең жақсы нәтижелер көрсетуде. Қазақстан білім беру бойынша 10 орында. Әрине, бұл Қазақстан үшін өте жақсы көрсеткіш. Жалпы, адами капиталдың даму индексі өлшенген 157 мемлекет арасынан Қазақстан 31 орынды иеленді. Біз Қазақстан білім беру саласындағы түрлі тесттерге қатысқан 2012-2017 жыл аралығында өзгеріс динамикасын көріп отырмыз. Еуропа мен Орталық Азияның басқа мемлекеттерімен салыстырып, жақсы нәтижені аңғарудамыз».
Қазақстан Республикасы Білім және ғылым министрлігі Дүниежүзілік банкпен бірлесіп, орта білім беру жүйесінде сапаны жоғарылату мен теңдікке қол жеткізуді қамтамасыз етуге бағытталған «Орта білім беруді модернизациялау» жобасын ресми түрде іске қосуда.
Harry Patrinos серіктестерін білімдік әлеуметтік жобасының басталуымен құттықтап, жобаның Қазақстанда өз мақсатына жететініне сенім білдірді.
ҚР БҒМ Баспасөз қызметі
[xfvalue_img]
