Кемшіліктердің шегі жоқ
ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Ақтөбе облысы бойынша департаменті «Ақтөбе облысының үкіметтік емес ұйымдардың қауымдастығы» ЗТБ өкілдерімен бірлесіп, «жасырын сатып алушы» әдісімен «Қоғамдық бақылау» іс-шараларын Ақтөбе қаласының ветеринарлық стансасында, Хромтау ауданының Никельтау, Мәртөк ауданының Сарыжар ветеринарлық бекеттерінде, сондай-ақ Ақтөбе облысының Қобда, Хромтау және Қарғалы аудандарының ветеринарлық стансаларында өткізді.
Іс-шара барысында Ақтөбе қаласының ветеринарлық стансасы және Мәртөк ауданының Сарыжар ветеринарлық бекетінің ғимараттарында мүмкіндігі шектеулі азаматтар үшін қолайлы жағдайлардың жоқтығы анықталды, атап айтқанда: пандус, қызметкерді шақыру батырмасы және арнайы көлікті қоятын орындар.
Бұған қоса, Хромтау ауданының Никельтау және Мәртөк ауданданының Сарыжар ветеринарлық бекеттерінде, сондай-ақ, Қарғалы, Қобда, Хромтау аудандарының ветеринарлық стансаларында, азаматтардың қолайлы жағдайы үшін қажетті құжаттарды толтыру үшін үстел, өзіне-өзі қызмет көрсету бұрышы, салқындатқыштар және су диспенсері жоқ.
Сондай-ақ, Мәртөк ауданданының Сарыжар ветеринарлық бекетінде, Қобда және Қарғалы аудандарының ветеринарлық стансаларында әжетханалардың жоқтығы анықталды.
Сонымен қатар, Ақтөбе қаласының ветеринарлық стансасының, әкімшілік ғимаратының маңдайшасында мемлекеттік органның атауы орналастырылмаған.
Оның үстіне, инспекциялау кезінде Хромтау ауданының Никельтау және Мәртөк ауданданының Сарыжар ветеринарлық бекеттерінде, ветеринарлық дәрігерлер жұмыс уақытында белгісіз себептермен жұмыс орнында болмағандығы анықталды.
Іс-шара қорытындысымен Департаментпен жоғарыда аталған мемлекеттік органдарға мемлекеттік көрсетілетін қызметтер заңнамасын сақтау және халыққа қолайлы жағдай жасау бойынша тиісті ұсынымдар берілді.
[xfvalue_img]
