Судья лауазымына iрiктеу кезiндегi жаңа ɵзгерiстер
Бұл жаңашылдық туралы бүгін Мемлекеттік қызмет істері және сыбайлас жемқорлыққа қарсы іс-қимыл агенттігінде өткен брифингте Мемлекеттiк қызмет персоналын басқару ұлттық орталығының бас директора Бану Нұрғазиева айтты.
"Қазақстан Республикасының Жоғарғы Сот Кеңесi туралы" Заңына сəйкес Қазақстан Республикасы заңдарын тануды жəне оларды iс жүзiнде қолдану қабiлетiн компьютермен тестiлеу судья лауазымына бiлiктiлiк емтиханы кезеңдерiнiң бiрi болып табылады.
Бану Нұрғазиеваның айтуынша, Қазақстанда алғаш рет а.ж. 24 қыркүйекте судья лауазымына iрiктеу кезеңi үдерiсiндегi компьютермен тестiлеу «Мемлекеттiк қызмет персоналын басқару ұлттық орталығы» АҚ негiзiнде ɵтті.
Үкiмет қаулысына сəйкес Ұлттық орталық тестiлеу рəсiмдерiн техникалық қолдау жɵнiндегi уəкiлеттi əрi тəуелсiз заңды тұлға болып табылады.
Ұлттық орталық заңнаманы тану бағасының əдiлдiгiн; тестiленетiндерге қатысты адал ұстанымды; сыбайлас жемқорлыққа тɵтеп беретiн рəсiмдердiң мейлiнше ашықтығын қамтамасыз етедi.
Орталықтың тестiлеу залдарында қорғалған VPN-арнасына жалғанған компьютерлер орнатылған. Қызмет кɵрсететiн персоналдың тестiлеу рəсiмдерiн техникалық қолдауға қатысты тəжiрибесi жеткiлiктi.
Рəсiмдердiң ашықтығы тестiлеу операторларымен жəне басқарушыларымен қатар, орталықтандырылған бейнебақылау арқылы да қамтамасыз етiледi.
Сонымен қатар, залдарға тəулiк бойы мониторинг қамтамасыз етiлiп, үздiксiз жазылатын рəсiмдер алты бойы сақталады.
Заңдарды тануды компьютермен тестiлеу құқықтың 11 саласынан бағдарлама кездейсоқ iрiктеп алу əдiсiмен əзiрлеген 100 сұрақтан тұрады.
Компьютерлiк тестiлеудi ұйымдастыру жəне ɵткiзу мəселелерi Ұлттық орталыққа тапсырылған жағдайда судьялыққа үмiткерлердi iрiктеудiң əдiлдiгi арта түседi.
МҚІСЖҚА Баспасөз қызметі
[xfvalue_img]
