Мемлекеттік органдардың бизнеспен өзара іс-қимыл барысында орын алатын сыбайлас жемқорлықтың тәуекелдері
Ағымдағы жылдың 16 мамырында Астана қ. бойынша Мемлекеттік қызмет істері және сыбайлас жемқорлыққа қарсы іс-қимыл департаментінің басшысы Тілеген Қаскин және Астана қаласының Іскерлік кеңесі жанындағы Кәсіпкерлер құқығын қорғау және сыбайлас жемқорлыққа қарсы іс-қимыл жөніндегі кеңестің төрағасы Ирак Елекеевтің қатысуымен Астана қаласының кәсіпкерлер форумы өтті.
Форум Астана қаласының кәсіпкерлері, мемлекеттік органдар мен кәсіпорындардың басшылары, қоғамдық және үкіметтік емес ұйымдардың өкілдері қатысуымен өтті.
Форумды ашу барысында департамент басшысы Т.Т. Қаскин кәсіпкерлер форумы сыбайлас жемқорлыққа қарсы күресте мемлекеттің және бизнес-орталардың күш-жігерін біріктіретінін және сұхбат алаңының мақсаты іскерлік ортадағы мінез-құлықтың жемқорлыққа қарсы моделін қалыптастыру және кәсіпкерлік субъектілерінің әлеуметтік жауапкершілігін арттыру екенін атап өтті.
Кеңес төрағасы Ирак Елекеев Кеңес жұмысының алғашқы күндерінен бастап 1 162 өтініш келіп түсіп, нәтижесінде 10,5 млрд теңге соммасына кәсіпкерлік субъектілердің құқықтары қорғалғаны туралы айтты.
Сонымен бірге, талқыланған мәселелердің көбісі жүйелі сипатқа ие, бұл тек қана өтініш білдірушілерге ғана емес, сол салада өз қызметін жүзеге асыратын кәсіпкерлерге де оң әсерін тигізді.Сонымен қатар, Тілеген Қаскин Астана қаласының Кәсіпкерлер палатасымен бірлесіп жүзеге асырылып жатқан мемлекеттік органдардың бизнеспен өзара іс-қимыл барысында орын алатын сыбайлас жемқорлық тәуекелдерін барынша азайтуға бағытталған іс-шаралардың беретін оң әсерлері туралы астын сыза айтты.
«Атамекен» Ұлттық палатасы мен Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі арасында ынтымақтастық туралы келісім жасалған, оның шеңберінде жүйелі проблемалық мәселелерді анықтау, кәсіпкерлердің құқықтарын қорғау және бизнесті дамытудың тиімді тетіктерін әзірлеу бойынша жұмыс жүргізіліп жатыр.
Сондай-ақ, іс-шара барысында Астана қаласының ХҚКО департаментінің өкілдері электронды мемлекеттік қызметтерді алу тәртібін, оның ішінде үшінші тұлғалардың куәліктерін алу жөніндегі қызметін түсіндіру жұмысы жүргізілді.
ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Астана қаласы бойынша департаментінің баспасөз қызметі
[xfvalue_img]
13 пікір