Көкшетауда жас мемлекеттік қызметшілер бас қосты

Көкшетауда жас мемлекеттік қызметшілер бас қосты

Ақмола облысында жас мемлекеттік қызметшілердің қатысуымен «Елге қызмет: жауапкершілік пен мүмкіндік» тақырыбында ауқымды кездесу өтті. Кездесудің мақсаты – аға буын мен жас буын арасындағы алтын көпірді нығайту, тәжірибе алмасу және ұрпақтар сабақтастығын жалғастыру болып табылады.

Кездесуге мемлекеттік қызмет ардагерлері, жас мемлекеттік қызметшілер, олардың ішінде Президенттік жастар кадр резервінің, Өңірлік кадр резервінің мүшелері, Қазақстан Республикасының Президенті жанындағы Мемлекеттік басқару академиясының түлектері, ауыл әкімдері және Жас мемлекеттік қызметшілер мектебінің тыңдаушылары қатысты.

Қазақстан Республикасы Мемлекеттік қызмет істері агенттігінің Ақмола облысы бойынша департаментінің басшысы Нұрқат Тұрғанұлы Батырқұлов іс-шараны аша отырып, мемлекеттік қызмет саласының білімді, білікті, бастамашыл әрі жаңашыл ойлайтын жас мамандардың кәсіби тұрғыда қалыптасуына кең мүмкіндік беретін маңызды институт екенін атап өтті.

Өз кезегінде мемлекеттік қызмет ардагері, «Ерен еңбегі үшін» мемлекеттік наградасының және «Құрмет» орденінің иегері, Ақмола облысы «Демалыс және туризм индустриясының ассоциациясы» ЗТБ президенті, ҚР туризмінің құрметті қызметкері, профессор, академик Шынарбек Бүркітбайұлы Батырханов өздерінің жас мамандарға арнаған сөздерінде мемлекеттік қызметшілерге кәсіби қызметте жоғары жауапкершілік пен адалдық танытудың маңыздылығын атап өтіп, ақыл-кеңестерімен бөлісті.

Іс-шарада Өңірлік кадр резервінің мүшесі, Қосшы қаласы әкімінің орынбасары Нұрсұлтан Нұркенұлы Мұхаметкалиев баяндама жасады. Нұрсұлтан Мұхаметкалиев 2024 жылы Өңірлік кадр резервіне іріктеліп, Қосшы қаласы әкімдігінің инспекторлық және аумақтық жұмыс бөлімінің басшысы лауазымына тағайындалды. Өзін жоғары білікті маман ретінде көрсете отырып, 2025 жылы Қосшы қаласы әкімдігінің аппарат басшысы лауазымына ауысты. 2026 жылдың қазан айында ауысу тәртібімен Қосшы қаласы әкімінің орынбасары болып тағайындалды. Өз сөзінде спикер кадр резервінің мүмкіндіктері, мемлекеттік қызметтегі мансаптық ілгерілеу тетіктерінің артықшылықтары туралы айтты.

Зеренді ауданы Троицк селолық округінің әкімі Бауыржан Жанболатұлы Жолданғар жас мамандарды бюрократиядан аулақ болуға, бастама көтеруден қорықпауға шақырды. Оның айтуынша, мемлекеттік қызметшінің басты міндеті – халықтың сенімін ақтау.

Сонымен қатар Қазақстан Республикасының Президенті жанындағы Мемлекеттік басқару академиясының түлегі, Қазақстан Республикасы Мемлекеттік қызмет істері агенттігінің Ақмола облысы бойынша департаментінің бас маманы Аяулым Талғатқызы Нұрлан және С.Сейфуллин атындағы Қазақ агротехникалық зерттеу университетінің түлегі, Зеренді ауданы ауыл шаруашылығы және жер қатынастары бөлімінің бас маманы Нұрсұлу Сұлтанбекқызы Айткенова өздерінің білім шыңдау және мемлекеттік қызметтегі лауазымдарға конкурссыз орналасу тәжірибелерімен бөлісті.

Іс-шара соңында қатысушылар арасында сындарлы пікірталас орнады. Естеріңізге сала кетсек, қазіргі уақытта мемлекеттік қызметтегі жастар үлесінің артуына барынша жағдай жасалуда. Өңіріміздің мемлекеттік аппаратының 27,5% жастар құрайтыны – мемлекеттік басқару жүйесіне жаңа буын өкілдерінің белсенді тартылып, олардың әлеуетіне басымдық беріліп отырғанының айқын дәлелі. Болашақта ел тізгінін ұстайтын кәсіби кадрлар даярлау мақсатында бірқатар маңызды жобалар жүзеге асырылуда. Олардың қатарында Президенттік жастар кадр резерві, Өңірлік кадр резерві және Жас мемлекеттік қызметшілер мектебі бар. Сонымен қатар 2027 жылдан бастап Мемлекеттік қызметке даярлау институты өз жұмысын бастайды. Бұл бастамалар – талантты жастарды анықтап, олардың әлеуетін мемлекеттік қызметте тиімді қолдануға бағытталған. 

Жазира Сейтмағанбетова, мемлекеттік қызмет басқармасының басшысы

[xfvalue_img]

Жаңалықтарды бағалаңыз

  • Сіздің бағалауыңыз
Итоги:
Дауыс берген адамдар: 0

Пікір қалдыру

Ваш e-mail не будет опубликован. Поля обязательны для заполненеия - *

  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Кликните на изображение чтобы обновить код, если он неразборчив

Негізгі жаңалықтар

Логотип

Портал туралы

Ел мен әлем жаңалықтары!

© 2024 INFOZAKON. Барлық құқықтар сақталған.