Заң мен тәртіп: СҚО-да сыбайлас жемқорлыққа қарсы комплаенс институты белсенді дамуда
Петропавлда квазимемлекеттік сектор мамандарына арналған «Сыбайлас жемқорлыққа қарсы комплаенс мектебі» оқыту семинары өтті. Мақсат – сыбайлас жемқорлықтың алдын алу жөніндегі шараларды күшейту және тәуекелдерді бақылау мен басқаруға жүйелі тәсілді енгізу.
Сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша департаменті басшысының бірінші орынбасары Алмат Мырзалиев өз сөзінде Қазақстан заңдылық пен ашықтыққа басымдық беретін, әділ қоғам құрып жатқан жағдайда комплаенс осы мақсаттарға қол жеткізудің маңызды құралына айналатынын атап өтті.
Бүгінгі таңда өңірде сыбайлас жемқорлыққа қарсы комплаенс институты белсенді түрде енгізілуде, оның өкілдері ұйымдар қызметінің нормативтік талаптарға ғана емес, сонымен қатар жоғары моральдық стандарттарға сәйкестігін қамтамасыз етеді.
Семинар барысында сарапшылар мен қатысушылар практикалық жұмыс тәжірибесімен, оның ішінде корпоративтік сектордағы жемқорлыққа қарсы іс-қимылдың заманауи әдістерімен белсенді алмасты.
Сыбайлас жемқорлыққа қарсы шараларды енгізудің тиімді құралы ретінде танылған ISO 37001 халықаралық стандартына ерекше назар аударылды.
[xfvalue_img]
