2024 жылдың бірінші жартыжылдығындағы Қазақстанның өнеркәсіптік көрсеткіштерінің негізгі көрсеткіштері

Ұлттық статистика бюросы а.ж. 15 тамызында тау-кен өндіру өнеркәсібі, өңдеу өнеркәсібі, электр энергетикасы, газ және т.б. жабдықтау салаларындағы негізгі көрсеткіштерін ерекшелеген өнеркәсіптік өндіріс статистикасы бойынша мәліметтерді жариялады.

Осылайша, 2024 ж. өндірістің өсуі тау-кен өндіру өнеркәсібі және карьерлерді қазуда – 0,5%, өңдеу өнеркәсібінде – 5,1%, электр энергиясымен, газбен, бумен, ыстық сумен және ауаны кондициялаумен жабдықтауда 6% байқалады.

Өңірлер арасында едәуір өсу Қарағанды, Ақтөбе облыстарында және Астана қаласында белгіленді.

2024 жылғы қаңтар-шілдеде өнеркәсіп өнімдері 27 694 млрд. теңгеге өндірілді. Оның ішінде кен өндіру саласында – 12 732 млрд.теңгеге, ол жалпы көлемнің 46%-ын құрайды, өңдеуде – 12 938,5 млрд. теңгеге, бұл –46,7% болды.

Өнеркәсіптік өндірістің индексі 102,9% құрады. Табиғи газ шығару саласының 105,1%, металл кендерін өндірудің 105,8%-ға артуына байланысты тау-кен өндіру өнеркәсібі және карьерлерді қазуда ӨӨИ 100,5% құрады.

Өңдеу өнеркәсібінде 2024 ж. есепті кезеңде 2023 жылғы сәйкес кезеңмен салыстырғанда ӨӨИ 105,1%-ды құрады. Өсу химия өнеркәсібі өндірісінде – 7,4%, негізгі фармацевтикалық өнімдер мен фармацевтикалық препараттар – 16,2%, металлургия – 9,2%, машиналар мен жабдықтардан басқа дайын металл бұйымдарын өндіруде – 29,8%, машина жасауда – 4,7%, өзге де дайын бұйымдарда 1,7 есе белгіленді.

Электр энергиясымен, газбен, бумен, ыстық сумен және ауаны кондициялаумен жабдықтауда электр энергиясын өндіру, беру және тарату көлемдерінің – 6,4%, құбыржолдар бойынша газды тәрізді отын өндіру және таратудың 7,9% артуы есебінен ӨӨИ 106% құрады.

Сумен жабдықтау, суды бұру; қалдықтарды жинау, өңдеу және жою, ластануды жою бойынша қызметте 2024 жылғы қаңтар-шілдеде ӨӨИ 99,6% құрады.