СҚО Сыбайлас жемқорлыққа қарсы қызметінде басшының бірінші орынбасары тағайындалды
Ведомствоның баспасөз қызметінің мәліметінше, ҚР Сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша департаменті басшысының бірінші орынбасары ретінде Айдос Жүнісов тағайындалды.
Айдос Жаппарұлы Алматы қ. тумасы, құқықтану мамандығы бойынша жоғары білімі бар.
2010-2014 жылдар аралығында Қазақстан Республикасы Экономикалық қылмысқа және сыбайлас жемқорлыққа қарсы күрес агенттігінде (қаржы полициясы) қызмет өткерген.
2014 жылдан бастап Қазақстан Республикасының Сыбайлас жемқорлыққа қарсы қызметінде жұмыс істейді.
Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Солтүстік Қазақстан облысы бойынша департаменті басшысының бірінші орынбасары лауазымына тағайындалғанға дейін Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) түрлі аумақтық бөлімшелерінде басшының орынбасары лауазымын атқарды.
[xfvalue_img]
