Қарттықты құрметтей білу керек: Ақмола облысының еріктілері қарттар мен мүгедектерге арналған пансионатында кездесу өткізді
ҚР Сыбайлас жемқорлыққа қарсы іс-қимыл агенттігінің Ақмола облысы бойынша департаменті «Феникс» волонтерлік орталығымен бірлесіп Қарттар мен мүгедектерге арналған «Үміт шаңырақ» үйіне барып кездесу өткізді.
Кездесу барысында Департаменттің алдын алу және парасаттылық басқармасының басшысы Бақытжан Әмірханов алғы сөзінде Мемлекет басшысының бастамасы бойынша 2020 жыл Қазақстанда еріктілер жылы деп жарияланғанын атап өтті. Еліміздегі еріктілер қозғалысының басым бағыттарының бірі қарт адамдарға, қолдауға мұқтаж адамдарға, сондай-ақ халықтың әлеуметтік осал топтарына көмек көрсету болып табылады. Департамент қызметкерлері Ақмола өңірінің волонтерлерін қатыстыра отырып, қарттар мен мүгедектерге көмек көрсетуге мұқтаждарға бару туралы шешім қабылдады.
Іс-шара барысында облыстың мәдениет өкілдері еріктілермен бірге үй тұрғындарының сүйікті әндерін орындады, ал қарттар қуанышпен би биледі. Музыкалық концерт аяқталғаннан кейін жылы кездесу Департамент пен Волонтерлік орталық ұйымдастырған шай ішумен жалғасты. Аға буын үстел басында жастармен жарқын естеліктерімен және өмір сүрген жылдардың баға жетпес тәжірибесімен бөлісті.
Шара соңында пансионат басшылығы кездесуді ұйымдастырушыларға өмірлік жағдайларға байланысты басқа адамдарды қамқорлыққа алған зейнеткерлерге және жалғыз басты мүгедектерге көңіл бөлгені үшін алғыстарын білдірді.
ҚР Сыбайлас жемқорлыққа қарсы іс-қимыл агенттігінің Ақмола облысы бойынша департаментінің баспасөз хатшысы Динара Нұртаз
[xfvalue_img]
