SITA Collins Aerospace Airport Solutions компаниясын сатып алу туралы келісімге келді: бұл әуежайлардың, авиакомпаниялардың және жалпы әуе көлігі саласының болашағына деген ұстанымын нығайтады

SITA жолаушыларға қызмет көрсетуге, багажды өңдеуге және әуежайлардың жұмысын ұйымдастыруға арналған технологиялық шешімдерді ұсынатын Collins Aerospace Airport Solutions компаниясын сатып алу туралы келісімге келді. Бұл мәміле SITA-ның әуе көлігі саласындағы операциялардың үйлесімділігі мен тұрақтылығын арттыру мүмкіндігін кеңейтеді. 

Collins Aerospace Airport Solutions әуежай терминалындағы жолаушылар мен багаж қозғалысын ұйымдастыруға арналған технологиялар мен операциялық шешімдерді ұсынады. Олар жолаушыларды тіркеу, өзіне-өзі қызмет көрсету сервистерін пайдалану және багажды тапсыру сияқты кезеңдерді, сондай-ақ әуежайдың үздіксіз жұмыс істеуіне қажетті маңызды жүйелерді қамтиды. Барлық қажетті шарттар орындалып, соның ішінде реттеуші органдардың тиісті рұқсаттары алынған жағдайда, мәміле 2027 жылдың бірінші жартысында аяқталады деп күтілуде. 

«Әуе тасымалының көлемі артып, жолаушылардың қызмет көрсету сапасына деген күтулері де өсіп келеді. Сапардың әр кезеңін өзара байланыстыру, іркілістердің алдын алу және олар туындаған жағдайда тез жою үшін саламызға технологиялар, инновациялар және мамандардың бірлескен жұмысы барған сайын қажет болып отыр», — деді SITA бас директоры Дэвид Лаворел. «Бұл мәміле SITA ұсынатын шешімдер мен мүмкіндіктер аясын кеңейтіп, клиенттеріміз сенім артатын технологиялық серіктес ретіндегі рөлімізді нығайтады». 

SITA мен Collins Aerospace Airport Solutions мүмкіндіктерін біріктіру барлық клиентке көрсетілетін қолдауды күшейтіп, жолаушыларға қызмет көрсету, багажды өңдеу және әуежайлардың жалпы жұмысын жақсартуға ықпал етеді. 

«Әуежай өкілдерінен технология жеткізушісінен не күтетінін сұрасаңыз, жауабы қарапайым: сенімді серіктес», — деді SITA компаниясының әуежайлар бағытына жауапты аға вице-президенті Натали Альтвегг. «Бұл әуежайдың жұмыс ерекшеліктерін түсінуді, оның командасымен тығыз байланыста жұмыс істеуді және қажет кезде қолдау көрсетуге дайын болуды білдіреді. Осы мәміле арқылы біз саладағы көбірек клиентке осындай қолдау көрсете аламыз». 

SITA компаниясы туралы

SITA — әуе көлігі саласының технологиялық дамуына үлес қосып келе жатқан компания. Ол сапарларды барша үшін қауіпсіз, жеңіл әрі экологиялық тұрғыдан орнықты етуге көмектеседі. Коммерциялық авиацияның алғашқы кезеңдерінен бастап бүгінгі цифрлық дәуірге дейін SITA саланың дамуына атсалысып, оның қатысушыларын өзара байланыстырып, жаңа технологиялық мүмкіндіктерді игеруге көмектесіп келеді. 

Толығырақ ақпарат: www.sita.aero