СҚО полицейлері есірткі қылмысына қарсы күрестегі жұмыс тәжірибесімен бөлісті
Есірткі қылмысына қарсы күрестің жаңа әдістерін еліміздің әр өңірінен келген жедел уәкілдер Алматыдағы М.Есбулатов атындағы ҚР ІІМ Академиясының базасында өткен біліктілікті арттыру курстарында талқылады.
Солтүстік Қазақстан облысынан бұл оқуға аталмыш академияның түлегі, полиция капитаны Зарина Попова қатысты. Ол 5 жыл бұрын диплом алып, бүгінде тәжірибелі жедел уәкіл ретінде қызмет атқарып жүр. Зарина Попова курсанттар алдында баяндамамен сөз сөйлеуге ұсыныс алған үздік үш офицердің қатарына кірді.
Зарина болашақ әріптестері үшін тергеу әрекеттері туралы бейнематериал әзірлеп, жедел-іздестіру қызметінің қыр-сыры жөніндегі тәжірибесімен бөлісті. Әсіресе, есірткі қылмысының алдын алу мәселесіне ерекше көңіл бөлді.
«Закладчиктерге» қатысты ашық сот процестері, студенттер үшін түзету мекемелеріне экскурсиялар, әлеуметтік роликтер, подкасттар, креативті байқаулар — жастар аудиториясымен жұмыс істеудің жаңа әрі тиімді әдістері СҚО ПД тәжірибесінде тұрақты қолданылып келеді.
ҚР ІІМ 2024 жылды «Профилактика жылы» деп жариялауына орай бұл тәжірибе ерекше маңызға ие.
Мемлекет басшысы Қасым-Жомарт Тоқаев жыл сайынғы Жолдауларында есірткіге тәуелділік пен есірткі қылмысына қарсы күрестің маңыздылығын атап өтеді. Бұл құбылыс ұлттық қауіпсіздікке тікелей қатер төндіретінін ескерсек, полицияның заманауи әрі нәтижелі әдістерін енгізу — күрестегі маңызды тірек.
Игорь Мерцалов
СҚО ПД баспасөз қызметі
[xfvalue_img]
