«Заң мен тәртіп» – шабыт көзі: СҚО-да полицейлер «Жас сақшы» сыныбының концертін тамашалады
Петропавл қаласындағы №17 ұлттық жаңғыру мектеп-кешенінің оқушылары «Жас сақшы» сыныбының салтанатты іс-шарасы барысында «Заң мен тәртіп» тұжырымдамасын өз түсініктері арқылы шығармашылықпен жеткізді. Шараға мектеп әкімшілігінің шақыруымен «полицейлік сыныптың» қамқоршылары – Солтүстік Қазақстан облысы Полиция департаменті аппаратының басшылығы мен қызметкерлері қатысты.
Сахнада түрлі сынып оқушылары өнер көрсетті, ал бағдарламаның шарықтау шегі «Жас сақшы» сыныбының қойылымы болды. Жарқын концерттік нөмірлер арқылы оқушылар патриотизм идеяларына, көпұлтты Қазақстанның бірлігіне және заңның үстемдігіне адал екендерін көрсетті. «Туды өз өмірімізден жоғары қоямыз. Ар-намыс үшін бәрін де аямаймыз», – деп атап өтілді болашақ полицейлердің өнер көрсетуінде.
Бүгінде СҚО-да полицейлік бағыттағы «Жас сақшы» атты 4 сынып құрылған. Бұл сыныптарда оқитын оқушылар дене шынықтыру даярлығынан өтіп, заңнама негіздерімен танысады, қызметтегі полицейлердің жетекшілігімен полиция қызметінің қыр-сырын меңгереді. Мұның бәрі болашақта құқық қорғау органдарындағы қызметке берік негіз болмақ.
СҚО ПД баспасөз қызметі
[xfvalue_img]
69 пікір