«Заң мен тәртіп» принципін қамтамасыз ету – ортақ мақсат
Сыбайлас жемқорлыққа қарсы іс-қимыл агенттігінің СҚО бойынша департаменті және СҚО Полиция департаменті бірлескен іс-қимыл жоспары шеңберінде №50 және №52 түзету мекемелерінің жеке құрамдарымен кездесу өткізді.
Сыбайлас жемқорлыққа қарсы қызметтің өкілі С.Н. Зайцева сыбайлас жемқорлыққа қарсы тиімді күрес бір жолғы акция емес, баршаның қатысуын талап ететін тұрақты жұмыс және «Заң мен тәртіп» қағидатын түзету жүйесіне де енгізу маңызды екенін атап өтті.
Сыбайлас жемқорлық қылмыстары үшін жазаның бұлтартпастығына ерекше назар аударылды. Жарқын мысал ретінде 2024 жылы 1 млн теңге көлемінде пара алғаны үшін 30 млн теңге мөлшерінде айыппұл салуға сотталған, мемлекеттік қызметте және квазимемлекеттік сектор субъектілерінде қызмет атқару құқығынан өмір бойына айырылған облыстық ҚАЖД-нің бұрынғы басшысы келтірілді.
Кездесуде сондай-ақ сыбайлас жемқорлыққа қарсы саясат тұжырымдамасының ережелері, сыбайлас жемқорлыққа қарсы шектеулердің түрлері, сондай-ақ бағыныстылардың жемқорлығы үшін басшылардың дербес жауапкершілігі институты егжей-тегжейлі талқыланды.
[xfvalue_img]
66 пікір