Жергілікті атқарушы органмен тұрғын үй заңнамасының сақталуы бойынша онлайн дөңгелек үстел өтті
Батыс Қазақстан облысы Орал қаласының №2 сотында онлайн форматта тұрғын үй қатынастары саласындағы заңнаманың сақталуы бойынша дөңгелек үстел өтті.
Сот төрағасы Азамат Борамбаевтың төрағалығымен өткен шараға сот судьясы Әсел Искакова, ҚР Мемлекеттік қызмет істері агенттігінің БҚО бойынша департаменті басшысының орынбасары Аманқос Жұбаныш, Орал қаласы әкімінің орынбасары Мирас Мүлкәй, Орал қаласы прокурорының көмекшісі Доминик Тажімбет, Орал қаласының ТҮКШ бөлімі басшысының орынбасары Қанат Умралиев қатысты.
Сот судьясы Әсел Искакованың жергілікті атқарушы органмен тұрғын үй заңнамасының сақталуы бойынша жасалған талдауы тыңдалды.
Өз кезегінде сот төрағасы А.Борамбаев талдау көрсеткіштеріне тоқталып, ерекше назарда ұстау қажеттігін атап айтты. Сондай-ақ бірқатар ұсыныстар берілді.
Шара соңында қатысушылар өзара пікір алмасып, осы тәрізді кездесу маңыздылығын атап өтті.
Олеся Ташимова
Орал қаласының №2 соты кеңсесінің бас маманы
[xfvalue_img]
