ПАТРУЛЬДІК ПОЛИЦИЯ ПОЛКІ ҚЫЗМЕТКЕРЛЕРІМЕН СЫБАЙЛАС ЖЕМҚОРЛЫҚТЫҢ АЛДЫН АЛУ ЖӨНІНДЕ КЕЗДЕСУ ӨТТІ
Бүгін Департамент басшысының бірінші орынбасары Жазира Жылқышиеваның қатысуымен сыбайлас жемқорлықтың алдын алу мақсатында Патрульдік полиция полкінде кездесу ұйымдастырылды.
Іс-шарада Агенттіктің бастамалары, бағыныштылардың сыбайлас жемқорлық құқық бұзушылықтар жасағаны үшін басшылардың жауапкершілігін күшейту, сондай-ақ сыбайлас жемқорлыққа әкелетін себептер мен жағдайларды жою жөніндегі шаралар ұсынылды.
«Алдын алу шаралары, мысалы: сыбайлас жемқорлық тәуекелдеріне ішкі талдау, сыбайлас жемқорлыққа қарсы мониторинг, мемлекеттік органдар жүргізетін жұмыстарға қоғамды тарту жұмыстары құқық бұзушылықтарды барынша азайтуға мүмкіндік береді» -, деді Жазира Жылқышиева.
Қатысушыларға қоғамдық бақылауды күшейту мәселелері, тұрмыстық жемқорлықты жоюға бағытталған «Астана – адалдық алаңы» жобасы және әлеуметтік нысандарға бөлінген қаржыны бақылауға мүмкіндік беретін «Ашық бюджеттердің интерактивті картасы» ұсынылды.
Нұрлан Калиев сыбайлас жемқорлықтың алдын алуда полиция полкімен жүргізіліп жатқан жұмыстармен таныстырды. Сонымен қатар, мекеме қызметкерлері арасында парасаттылық идеологиясын қалыптастыруға бағытталған шараларды жүргізу қажеттігін айтты.
[xfvalue_img]
