Ұлтына қызмет еткен
Қазақстан Республикасының мемлекеттік қызметшісінің позитивті имиджін қалыптастыру және нығайту мемлекеттік жүйені дамытудың басым бағыттарының бірі болып табылады. Мемлекеттік қызметтегі әрбір адам өз жұмысының барлық мән-маңызын сезінуі, бар жауапкершілігімен халыққа қызмет ету жолына түскенін қабылдауы және түсінуі тиіс. Өз елінің шынайы патриоты, әділ әрі өз ісіне адал болуы тиіс.
Мемлекеттік қызметтегі әрбір адам өз жұмысының маңыздылығын жан жүрегімен сезініп, өз елінің патриоты болып, мемлекеттік қызметтің беделін көтеру үшін барлық шараларды қабылдауы тиіс.
Казталов ауданының №2-ші сотында көп жылдары жемісті еңбек етіп, саланың қанат жая дамуында Нұржамал Ниетқалықызы Карупованың өзіндік орыны бар.
Карупова Нұржамал Ниетқалиқызы өзінің кәсіби еңбек жолын бұрынғы Фурманов аудандық халық сотында бастаған. Кеңес дәуірінде, ел тәуелсіздігінің бастапқы жылдарында сот штатында бір судья, бір кеңсе маманы ғана болып, бір өзі сот мәжілісінің хатшысы, іс жүргізуші, мұрағатты жүргізуші, кеңсе меңгерушісі болып барлық жұмысты қатар атқаруына тура келген. Одан кейін де, өзінің артынан келген жас мамандарға тәлімгер болып, кәсіби білім мен практикалық дағдыларын асыруға және мамандыққа деген бейімделулерін арттыруға көмек көрсетті.
Сот саласында қызметін атқарып жүріп, Нұржамал Ниетқалиқызы М.Өтемісұлы атындағы Батыс Қазақстан Мемлекеттік Университетінің заң факультетінде оқып, заңгер мамандығын алып, кәзіргі Казталов ауданының №2-ші сотында үздікссіз 42 жыл қызмет атқарып, 2019 жылы зейнеткерлікке шықты.
Көп жылғы мінсіз қажырлы еңбегі үшін көптеген мәрте облыстық және аудандық сот грамоталарымен, ҚР Әділет министрінің «Құрмет грамотасымен», « Алғыс хатымын» марапатталған.
«Қазақстан Конституциясына 10 жыл» мерекелік және «Мінсіз қызмет үшін» 3 дәрежелі медальдарының иегері.
23 маусым – мемлекеттік қызметшілер күні қарсаңында Нұржамал апамызға денсаулық, қажымас қайрат, отбасына амандық тілейміз.
Бисенова Айгуль Аманжоловна - Казталов ауданының №2-ші аудандық сотының кеңсе меңгерушісі
[xfvalue_img]
