Сот жүйесі – желіде
Ағымдағы жыл Қазақ даласын: Үйрену,Үйрету,Бағалау,Түсіну,Білу атты ұғымдармен кеңінен айқындап ашып бергені анық. Сот жүйесі бұл түсініктермен тығыз байланысты. Қазақстан Республикасының Жоғарғы Сот Төрағасы Жақып Қажманұлы Асановтың биылғы бағыт коммуникация жылы деп жариялауы сот жүйесіне серпіліс бергені айғақ.
Қазіргі таңда елімізде COVID-19 вирусы белең алып, кең етек жайғаны сот жүйесін толық желіге байланыстырып қойды. Келіп түскен істерді қарау жаңа технологияларға жүгіне отырып жасалып жатқанын көз көріп жүр. Сот жүйесі желіде онлайн арқылы процессті бастамас бұрын жоғарыда айтқан ұғымдарды толық көлемде қолданады. Жіктеп, түсін түстеп айтатын болсақ, TrueConf, Zoom, бағдарламаларын іске қоспас бұрын процесске шақырылған қатысушылар атап өтсек, жәбірленуші немесе куә т.б. процесске қатысуға ниет білдірген тұлғалар бұрын бұл бағдарламалармен жұмыс жасап көрмеген. Осы орайда сот мәжілісінің хатшысы бірінші түсіндіру, үйрету бағытын қолданады.
Біткен іске-сыңшы көп, деп бекер айтылмаса керек, бағалау ұғымы осы орайда кеңінен қолданылады. Іске желі арқылы қатысқан қатысушылар тобынан «Facebook», «Instagram» әлеуметтік желілері арқылы алғыс хаттары келіп жатқаны бізді қуантады. Әрине, интернет желісі кейде құбылмалы деңгейде жұмыс жасап, қолайсыздық тудыратыны рас. Осы бағытта түсіну ұғымы іске асады. Қазақ халқы «Көш жүре түзеледі» деген қанатты сөзі тайға таңба басқандай тура келіп тұр. Білу ұғымы - жалпы сот жүйесіне бағыт алып, «Адамның білімі, алдымен адамшылдық таразысы» деген Абай Құнанбаев жалпы білім үйренуге, білуге шақырып тұрғанын анық көруге болады.
Сот жүйесі толық түрде желімен жұмыс жасауды игерді. Барша әріптестерге жаңашылдыққа, жарқыраған күндей қарап айналаңыздағы әріптестеріңізге білмегенін үйретіп қолдап, қамқорлап отырсаңыз, сізбен біз әлі талай жаңа бастамалардың алдыңғы шебінде тұрып, сот жүйесі тек биіктен көрінетініне нық сеніммен айта аламын.
Еркебұлан Сисенов
Орал қалалық соты кеңсесінің жетекші маманы
[xfvalue_img]
