Мұғалжар аудандық сотының судьясы пробация қызметкерлерімен семинар
Мұғалжар аудандық сотының судьясы Н.Кендирбаева Қазақстан Республикасының кейбір заңнамалық актілеріне қылмыстық, қылмыстық-процестік заңнаманы жетілдіру және жеке адам құқықтарының қорғалуын күшейту мәселелері бойынша енгізілген өзгерістер мен толықтыруларды түсіндіру мақсатында Мұғалжар аудандық №1 пробация қызметкерлерінің қатысуымен семинар өткізді.
Шара барысында судья Нұргүл Кендирбаева Қазақстан Республикасының қылмыстық, қылмыстық-процестік және қылмыстық-атқару кодекстеріне жекелеген қылмыстық құқық бұзушылықтар үшін жазаны қатаңдату, сотқа дейінгі тергеуді жеңілдету, қылмыстық процеске қатысушылар мен сотталғандардың құқықтарын күшейту мәселелері бойынша бірқатар өзгерістер мен толықтырулар енгізілгендігін айтып, өзгерістердің әр бөлігіне тоқталып түсіндірме берді. Судья Қазақстан Республикасының Қылмыстық кодексінің 62-бабына жаза мерзімдерін есептеу және есепке алу, үкiм заңды күшiне енгенге дейiн күзетпен ұстау уақытын жаза мерзіміне есепке жатқызу мәселесі бойынша енгізілген өзгерістер жөнінде қысқаша мәліметтер келтірді.
Семинар сабағы соңында Н.Кендирбаева пробация қызметкерлерінің сұрақтарына жауап берді.
Мұғалжар аудандық сотының баспасөз қызметі
[xfvalue_img]
20 пікір