Жаңақала аудандық сотының төрағасы оқушылармен кездесті
Батыс Қазақстан облысы Жаңақала аудандық сотының төрағасы Сабыржан Есжанов С.Меңдешов атындағы жалпы орта білім беретін мектеп оқушылары және ұстаздарымен кездесті.
Кездесудің мақсаты кәмелетке толмағандардың қылмыстық және әкімшілік жауапкершілігі, қылмыс үшін тағайындалатын жаза түрлері туралы түсінік беру.
Сот төрағасы С.Есжанов сот төрелігінің жүктемесін оңтайландыру және заңнаманы одан әрі ізгілендіру бойынша өзгерістер туралы, сот жүйесіндегі өткізіліп жатқан реформаларға тоқталып, бейнебайланыс жүйесі мен «TrueConf» мобилді қосымшасы, «Татуласу: сотқа дейін, сотта» деген бағдарламалар жұмыстарымен таныстырды. Сондай-ақ, қылмыстық, әкімшілік құқық бұзушылық туралы заңнама талаптарына да тоқталып өтті.
Сонымен қатар, оқушылар өздерін қызықтырған сұрақтар қойып, тиісінше қойылған сұрақтарына толық өз жауаптарын алды.
Кездесу соңында оқушылар өз алғыстарын білдіріп, сот ғимаратын, судья мен сот қызметкерлерінің қызметтік бөлмелерін және сот отырысы залдарын аралап, фрон-кеңсе, медиация кабинетімен танысты.
А.Рысқалиева
Жаңақала аудандық сотының кеңсе бас маманы
[xfvalue_img]
16 пікір