Орал қаласының мамандандырылған әкімшілік сотында «Көліктегі әкімшілік құқық бұзушылықтар» тақырыбында дөңгелек үстел өтті.
Орал қаласының мамандандырылған әкімшілік сотында «Көліктегі әкімшілік құқық бұзушылықтар» тақырыбында дөңгелек үстел өтті.
Іс-шараға мамандандырылған әкімшілік соттың төрағасы М.Қ. Сисенғали, мамандандырылған әкімшілік соттың судьялары Б.Т.Нұрмағамбетова, Е.Е.Халықов, Орал қ. ПБ ЖПҚ басқармасы бастығының орынбасары Н.И.Мендыханов, БҚО ПД Әкімшілік полиция басқармасының бөлім бастығы О.Ә.Ибрайымов, Орал қ. ЖПҚ бөлімі бастығының орынбасары М.М.Жанабаев қатысты.
Дөңгелек үстелге қатысушылармен көліктегі әкімшілік құқық бұзушылықтар туралы істерді қозғау, хаттаманы дұрыс толтыру, істі тиісті түрде рәсімдеу, дәлелдемелерді сапалы жинау сұрақтары қозғалды.
Өйткені әкімшілік құқық бұзушылық туралы заңнама қағидаттарының маңыздылығы олардың бұзылуы, оның сипаты мен маңыздылығына байланысты жүргізілген іс жүргізуді жарамсыз деп тануға, осындай іс жүргізу барысында қабылданған шешімдердің күшін жоюға немесе онымен жиналған материалдарды дәлелдемелері жоқ деп тануға әкелетіндігінде жатыр.
Дөңгелек үстел қортындысы бойынша хаттаманы толтыру және дәлелдемелерді жинау әрекеттерінің алгоритмі жасалды. Соның ішінде құқықбұзушылықты анықтаған бейнежазба болған жағдайда оны міндетті түрде іс материалдарына тіркеу, іс бойынша әуре-сарсаңға салуды жою, істі сотқа жіберу мерзімін бақылауға алу туралы ескертілді.
Кездесудің соңында қатысушылар қызметкерлердің кәсіби деңгейін арттыру мақсатында және алдағы уақытта процессуалдық заңбұзушылықтарға жол бермеу үшін оқу-тәжірибе семинарларын өткізу және заңдарға енгізілген өзгерістер мен толықтыруларды талқылау қажетілігі туралы ұсыныс білдірді.
Руслан Демеуов
Орал қаласының мамандандырылған әкімшілік сотының кеңсе меңгерушісі
[xfvalue_img]
