Сот мамандары отбасылық құндылықтарды тәрбиелеу әдістерімен танысты

Отбасылық құндылықтарды қалыптастыру және рухани-адамгершілік тәрбие беру мақсатында елордалық соттардың мамандары үшін Тәуелсіздік Сарайында судьялар, психологтар және дәрігерлердің қатысуымен семинар болып өтті.

Дәріс оқушы ретінде дәрігер психотерапевт Ольга Когай, жоғарғы құқық мектебінің профессоры, тренер-медиатор Мира Жасқайрат, психолог, гештальт-терапевт Қайрат Нұрмағанбетов сөз сөйледі.

Кездесудің модераторы, Алматы аудандық сотының судьясы Майя Қасымова жастар арасындағы некелердің бұзылуының күн санап арту үстінде екенін атап өтті. Өткен кезеңде ғана елордалық соттарда 2724 неке бұзылды, 435 отбасы жұптары татуласып, 1162 ерлі-зайыптыларға отбасы психологына жүгіну ұсынылған. Сонымен қатар, судья отбасының бұзылуына әкеп соқтыратын негізгі себептері ретінде ерлі-зайыптылық опасыздық пен ойынға тәуелділікті атап өтті.

«Жас жұптардың ажырасуының негізгі себебі – бұл олардың қарым-қатынасты құрудағы сауатсыздығы. Отбасы құрған жастар өздерінің  ата-ана болатынын, дүниеге әкелген балалар үшін жауапты болатынын ойламайды. Отбасын материалдық тұрғыдан күтіп бағу олар үшін ауыртпалық болып қабылданады», – деді өз сөзінде судья.

Кездесу барысында заманауи отбасында туындайтын әлеуметтік және құқықтық мәселелер, отбасылық құндылықтар мен отбасының құндылықты бағдарларын зерттеу мәселелері, сондай-ақ ойын тәуелділігінің негізгі белгілері мен олардың алдын алу жолдары ортаға салынды.

Дәрігер психотерапевт Ольга Когай өз сөзінде  ойынға құмарлықтың дамуының негізгі себептері – бұл жалғыздық, өзіне-өзі және өз өміріне қанағаттанбау, көңілі толмау сезімі екенін атап өтті. Лудоман үшін отбасы құнсызданады. Көп жағдайда бұл аурудан айығу екі жылдан бес жылға дейінгі уақытты қажет етеді.

Жаттықтырушы-медиатор, әлем психологы Мира Жасқайрат отбасының негізін қалайтын себептер мен көрсеткіштерге толығырақ тоқталып өтті.  «Мемлекет нормативтік актілерде осы институтта жария қызығушылықтың болуын көрсетіп, солай болғанның өзінде отбасының  дербестігін, тәуелсіздігін қорғауы тиіс», – деді профессор.

Өз кезегінде психолог Қайрат Нұрмағанбетов бақытты отбасының негізгі белгілерін атап өтті. Психологтың айтуынша, жас жұптар отбасылық өмірді бастамас бұрын отбасылық өмір сүрудің жағдайын талқылап, өзара тиімді келісім жасауы қажет.

Кездесуді қорытындылай келе, сарапшылар біздің заманымыздың болмысына сай туындауы мүмкін мәселелерді белгілеп, отбасылық жанжалдардан дұрыс шығуға мүмкіндік беретін  жолдарды түсіндірді.

         Кездесу соңында «Ажырасу кезінде туындайтын проблемалық мәселелер» атты деректі фильм көрсетілді.

Нұр-Сұлтан қалалық сотының баспасөз қызметі