Даудың тараптары жанжалды шешудің тиімді әдісін таңдайды
Ағымдағы жылдың 1 қыркүйегіне облыс соттарымен татуласу рәсімдерін қолдану арқылы 886 азаматтық іс қысқартылды. Диалог орнату мен келісімге келу жанжалдасушы тараптардың екі жаққа да тиімді шешімге келулеріне көмектесті. Келіссөздер нәтижесінде облыс соттарымен 75 іс бойынша тараптар бітімгершілік келісімге, 803 іс медиациялық келісімге, 8 іс партисипативтік рәсім қолдану арқылы дауды реттеу туралы келісімге келіп, іс жүргізу қысқартылды.
Мысалы, Бәйтерек ауданының №2 сотында жеке тұлғалар арасындағы дау бойынша азаматтық іс қысқартылған. Екі жақтын тараптары бітімгершілік келісімге келді.
2017 жылдың наурыз айында жауапкер талапкерден 1 221 000 тенге қарызға алып, сол жылдың мамыр айына дейін қайтаруын міндеттенді, бірақ қарызды қайтарған жоқ, осыған байланысты талапкер сотқа жүгінді.
Сотта тараптар бітімгершілік келісімді ұсынып, іс бойынша өндірісті тоқтату туралы мәмілеге келді. Жауапкер талапкерге барлық қарызға алыған сомасын 2018 жылдың тамызына дейін қайтаруын міндеттенді, осыған орай талапкер талап арызынан бас тартты.
Сонымен қатар, азаматтық істердің басым бөлігі Орал қаласының №2 сотының өндірісінде екенін атап өту керек. Күн сайын талап арыздар басым бөлігі сонда түсуде. Ағымдағы жылдың 03 қаңтарынан 01 қыркүйегі аралығында татуластырушы-судьяларға алимент өндіру, неке бұзу, келген шығынды қалпына келтіру және келісімшарт міндеттемелері бойынша туралы даулар бойынша 5923 талап арыз келіп түсті. Жанжал қатысушылары арасында келіссөздер жүргізу, туындаған мәселелер мен түсініспеушіліктерді ұғыну тараптардың жанжалды шешудің тиімді әдісін таңдауларына септігін тигізді. Нәтижесінде судьялармен 43-і бітімгершілік келісім, 514 медиациялық және 8 партисипативті келісім бекітілді.
Нұргүл Қанатбаева
Батыс Қазақстан облыстық сотының баспасөз қызметінің басшысы
[xfvalue_img]
