«Түнгі сот» жобасы аясында әкімшілік іс қаралды
Мұғалжар аудандық сотында «Түнгі сот» пилоттық жобасын жүзеге асыру аясында сағат 18.30-22.00 аралығында әкімшілік құқық бұзушылық туралы іс қаралды.
Іс құжатына сәйкес, құқық бұзушы алкогольдік масаң күйінде айналасындағыларға сыйламаушылық білдіріп, қоғамдық орында балағат сөздер айтқан, сөйтіп қоғамдық тәртіпті және азаматтардың тыныштығын бұзған (ҚР ӘҚБтК-нің 434 б. 1б.).
Соттың қаулысымен құқықбұзушы ҚР ӘҚБтК-нің 434-бабының 1-бөлігінде көзделген әкімшілік құқық бұзушылық жасағаны үшін кінәлі деп танылып, оған 8838 тенге мөлшерінде айыппұл салынды.
Қаулы заңды күшіне енген жоқ.
Сот 18 сағаттан 22 сағатқа дейін негізінен азаматтар үшін жұмыс істейді. Осыған орай күні бойғы жоспарды бұзып, жұмыстан сұранудың да, басы артық алаңдаудың да қажеті жоқ. Көрсеткіштер «түнгі соттың» қазіргі жағдайда тиімді екенін және азаматтардың істерді қарауға өздері үшін қолайлы уақытта қатыса алатынын көрсетіп отыр.
Шекенова А.
Ақтөбе облысының Мұғалжар аудандық сотының бас маманы
[xfvalue_img]
