«Түнгі сот» режимінде іс қаралды
Мұғалжар аудандық сотымен Қазақстан Республикасының Әкімшілік құқық бұзушылық туралы Кодексінің 73-бабының 1-бөлігімен (Отбасы-тұрмыстық қатынастар аясындағы құқыққа қарсы әрекеттер) азамат Ж-ға қатысты әкімшілік құқық бұзушылық туралы іс «Түнгі сот» пилоттық жобасы аясында қаралды.
Істің мәні бойынша, азамат Ж. 25.10.2018 жылы, алкогольдік масаң күйінде Қандыағаш қаласында орналасқан пәтерінде жұбайына қатысты айқай-шу шығарып, былапыт сөйлеп, жанұя тыныштығын бұзып, қылмыстық жаза қолданылатын әрекет белгілері жоқ құқыққа қарсы әрекеттер жасаған. Тараптар істің «Түнгі сот» пилоттық жобасында қаралуын өтінді. Сот отырысында жәбірленуші құқықбұзушыны кешіргенін айтып, әкімшілік жауаптылықтан медиациялық келісім негізінде татуласуына байланысты босатуды сұраған.
Соттың қаулысымен әкімшілік іс ҚР ӘҚБтК 64-бабына сәйкес медиациялық келісім негізінде татуласуына байланысты тоқтатылды.
Қаулы заңды күшіне енген жоқ.
[xfvalue_img]
