Мемлекеттік тілдің латын қарпіне көшудегі мемлекеттік мекемелердің алдағы қойылған мақсаттары
Жуалы аудандық сотында «Мемлекеттік тілдің латын қарпіне көшудегі мемлекеттік мекемелердің алдағы қойылған мақсаттары» атты атқырыбында дөңгелек үстел өтті.
Іс-шараға аудандық соттың кеңсе меңгерушісі С.А.Ералиев, прокурор Н.Хусаинов, аудандық ішкі істер бөлімінің тергеушісі Р.Мусаев, аудандық мәдениет және тілдерді дамыту бөлімінің бас маманы Ф.Оразымбетова, Жуалы ауданы әкімшілігінің білім бөлімінің әдіскері Б.Ж.Шоева, Жуалы аудандық мемлекеттік кірістер басқармасының бас маманы Н.Ералиев, Жуалы ауданы әкімшілігінің ішкі саясат бөлімінің бас маманы А.Акпаева.
Іс шара барысында С.А.Ералиев қатысушыларға мемлекеттік тілдің латын графикасындағы қарпіне көшудегі алдағы қадамдар туралы ақпараттандырып, қатысушылардан соңғы кезде серпін алып жатқан мемлекеттік мекемелердің латын графикасын күнделікті жұмыста қолданудың басымды қадамдарын сұрады.
Өз кезегінде, аудандық мәдениет және тілдерді дамыту бөлімінің бас маманы Ф.Оразымбетова осы мәселеге сәйкес өзінің зерделенген жұмыстарына сай, латын графикасының қолдануында үлкен қозғалыстар бар екенін, қоғам қазіргі таңда оны қолдану мен дұрыс жазу бойынша курстарын өтіп жатқанын, ал Республикалық БАҚ-тар өздерінің мақалаларында толығымен жаңа графикаға көшкенін айта кетті.
С.А.Ералиев өз сөзінде, - латиницаның жахандық ролін ескере отырып әлемдік қауымдастық интеграциялану біздің мемлекетімізді латиницаны қолданатын дамыған мемлекеттермен жақындасуын тездетеді деп атап өтті.
Іс шараның соңында қатысушылар аталған тақырып бойынша қарым қатынасты жалғастыруды, қазақ тілінің латынға көшу идеясын қолдауға оң көзқарастарын білдірді.
Жамбыл облысы Жуалы аудандық сотының
баспасөз қызметі
[xfvalue_img]
