Соттарды жаңғыртудың негізгі бағыттарын түсіндіру.
Жуалы аудандық сотында «Жолдау шеңберіндегі соттарды жаңғыртудың негізгі бағыттары» атты тақырыбында дөңгелек үстел өткізілді.
Іс шараға соттың төрағасы Б.И.Мүлкібаев, прокурор Е.А.Ахметов, аудандық ішкі істер бөлімі басшысының орынбасары Н.Мухиев, қорғаушы Н.Алагөз, Жуалы аудандық мемлекеттік кірістер басқармасының бас маманы Н.Ералиев, Жуалы ауданы әкімшілігінің ішкі саясат бөлімінің бас маманы А.Акпаева, пробация қызметінің басшысы Е.Иманбердиев және БАҚ өкілдері қатысты.
Іс шарада сөз алған соттың төрағасы қатысушыларға Президент Жолдауында белгіленген сот жүйесін одан әрі жаңғырту туралы түсіндірді. Аталған жаңғыртуда негізгі міндеттің бірі сотқа деген сенімінің жоғары деңгейін қамтамасыз ету, жетілдірілген электрондық сервистерді және қазіргі заманғы жұмыс форматын енгізуді жалғастыру, қажетсіз сот рәсімдерін қысқарту, сот процестеріне тараптардың қашықтықтан қатысуын арттыру, сот жүктемесін төмендету, азаматтық процестерді жеңілдету, сот процесінің жылдамдығын және айқындылығын арттыру, сот ғимараттарында фронт-офистерін ашу,сот жүйесінде сапалы дамуды қамтамасыз ету және кадрларды жаңарту, заңгерлерге судья болуға ұмтылуды ынталандыру туралы түсіндірді.
Сонымен қатар, сот төрағасы өз сөзінде әділ соттың ашықтығы қоғамның негізгі мүдделеріне және мемлекеттің стратегиялық даму бағытына сай келетінін, сонымен бірге негізгі мақсат азаматтырдың қанағаттануында, істердің уақытылы қаралуында болу міндет, өйткені құқық үстемдігі – біздің реформалар негізгі жетістік факторы болып отырғанын атап өтті.
Өз кезегінде іс шараға қатысушылар сот жүйесіндегі болып жатқан реформаларына өздерінің оң көзқарастарын білдіріп, қызығұшылық тудыратын сұрақтарды қойды.
Іс шара қорытындысы бойынша қатысушылар мемлекетіміздің сот жүйесіндегі аталған реформалардың дамуында мақсатқа жетуіне сенімділік білдірді.
Жуалы аудандық сотының
баспасөз қызметі
[xfvalue_img]
17 пікір