Электрондық әділеттілік: ашықтық пен қолжетімділіктің жаңа стандарты
Сот процесінде жаңа ақпараттық-коммуникациялық технологияларды енгізуге баса назар аударылады. «Дыбыс,- бейнежазба», «Сот кабинеті», бейнеконференцбайланыс сынды бағдарламалар сот жүйесінде таралып жатыр. Бейнеконференцбайланыс арқылы іс бойынша тараптар өзіне қолайлы сотқа келіп, сот отырысына қашықтан қатыса алады. Бұл өз кезегінде тараптың ақша қаражаты мен уақытын үнемдеуге өте қолайлы. «Сот кабинетіне» тіркелген адам электрондық құжаттарды беру сервисінің пайдаланушысы болып табылады.«Сот кабинетіне» авторизациялау ЖСН-нің немесе БСН-нің және парольдің көмегімен жүзеге асырылады. Бұл қызметтердің барлығы барлық пайдаланушыларға «Талдау» арнайы форумы арқылы Жоғарғы Сот сайтында, Интернет желісі арқылы азаматтарға ЭЦҚ қолдануы арқылы ыңғайлы жерде қол жетімді.
Электрондық қылмыстық істерді қарау қазіргі кезде өте тиімді бағдарламалардың бірі болып табылады. Аталған жүйе негізінде сотқа дейінгі тергеу басталғанна сотта шешім шығаруға дейін барлық құжаттар электронды түрде болады. Бұл ашықтық қағидасын жүзеге асырып отыр деуге болады.
Процеске қатысушы тұлғалар кез келген уақытта өздерінің істері қандай кезеңде екендігін онлайн режімінде көре алады. Басқа тұлғаларға кіруге тыйым салынады. Егер тараптар тергеушінің іс-әрекеттеріне шағымданса, онда прокурор іс-әрекеттерді онлайн режимінде тексере алады. Электронды түрде қарау іспен танысу бойынша тараптарға қолжетімді болады.
Аталған бағдарлама істерді қарау сапасын жақсартуға және тергеу уақытын қысқартуға, материалдарды бұрмалау тәуекелдерін барынша азайтуға, нақты уақыт режимінде материалдарға қол жетімділікті қамтамасыз етуге және қаржылық шығындарды азайтуға мүмкіндік туады.
Аталған ақпараттық қызметтер сот жүйесінің жұмысының ашықтығы мен қолжетімділігін қамтамасыз етеді, азаматтардың сотқа жүгіну кезінде азаматтардың құқықтары мен мүдделерінің сақталуын қамтамасыз етеді.
Ғ.П.Нәсірдінов
Астана қаласы Сарыарқа ауданының №2 аудандық сотының төрағасы
[xfvalue_img]
