СҚО-да патрульдік полицейлер Аяз ата мен Ақшақар болып киініп жүргізушілерді келе жатқан Жаңа жылмен құттықтады
Петропавл қ. полиция басқармасы патрульдік полиция батальонының қызметкерлері Жаңа жыл мерекесі қарсаңында жол қозғалысының қатысушылары үшін профилактикалық сипаттағы акция өткізді. Қалалық патрульдік полиция батальонының взвод командирі полиция аға лейтенанты Нұрбек Байлин мен батальонның технигі полиция кіші сержанты Вера Остроглядова Аяз ата мен Ақшақар болып киініп, автокөліктерді тоқтатты. Олар жүргізушілерге жол жүрісі қағидаларын қатаң сақтау қажет екенін айтты. Жемістер мен тәттілер алған адамдар полицейлердің бұл бастамасын құптап, жол ережелерін бұзбауға және көлік тізгінінде мұқият болуға уәде берді.
Петропавл қ. ПБ ППБ командирі полиция подполковнигі Қанат Әлімжановтың айтуынша, аталған профилактикалық акцияның мазмұны – жүргізушілер мен жаяу жүргіншілерге үйге аман-есен оралу отбасы мүшелері үшін өте маңызды екенін, сондай-ақ жол тіпті ұсақ қателіктерді де кешірмейтінін айтып жеткізу.
2023 жылдың 11 айында облыс орталығында 201 жол-көлік оқиғасы тіркеліп, салдарынан 231 адам жарақаттар алды, 2 адам көз жұмды. Жыл басынан полиция басқармасы құрамындағы ППБ жеке құрамы түрлі құқық бұзушылықтар жасағаны үшін 3750 адамды әкімшілік жауапкершілікке тартты.
Юрий Клыков
СҚО ПД баспасөз қызметі
[xfvalue_img]
8 пікір