СҚО мектептерінде «Адалдық сағаты» өтті
«Адалдық сағаты» акциясына Солтүстік Қазақстан облысының 454 мектебі немесе 72 мыңнан астам оқушы қатысты.
Іс-шара парасаттылық және академиялық адалдық мәселелеріне арналған.
Мемлекет Басшысы Қасым-Жомарт Тоқаев халыққа Жолдауында сыбайлас жемқорлыққа қарсы жүйелі күрес мәселесі Қазақстанның мемлекеттік саясатында басым болып қала беретінін атап өтті.
Сыбайлас жемқорлықты жеңуде нақты табысқа жету үшін ерте жастан бастап балаларда парасаттылық, адалдық, әділдік сияқты қасиеттерді тәрбиелеу қажет.
Білім беру басқармасында атап өткендей, бүгінде әркім уақыттың қалауын терең түсініп, мына формуланы нақты ұстануы керек: парасаттылық – ұлттың рухани өзегі, прогрессивті қоғамның өмір нормасы болуы тиіс.
Мысалы, Ғ. Мүсірепов атындағы №43 орта мектепте сабақ барысында балалар қызмет саласына байланысты сыбайлас жемқорлық түрлері, олардың себептері, мемлекет пен қоғам тарапынан сыбайлас жемқорлыққа қарсы іс-қимыл түрлері туралы білді. Сондай-ақ, мәселелер бойынша бірлескен диалог өтті: Біздің қоғамда сыбайлас жемқорлық сияқты құбылыс бар ма? Ол сізге қалай қауіп төндіреді? Сыбайлас жемқорлықпен қалай күресуге болады?
Сабақ соңында «Адалдық – Ұлы Абайдың мұрасы» тақырыбында бейнеролик көрсетілді, оны қарау барысында балалар ұлы ақын мен ойшылдың қолөнерді үйрену, адал еңбек ету, ата-анасын құрметтеу, әдепті және адал адам болу қажеттілігі туралы сөздерімен танысты.
[xfvalue_img]
