Орал қаласының мамандандырылған тергеу сотында ҚР ҚПК-нің 106-бабы қаралған шағымдармен және ҚР ҚПК-нің 55-бабы 2-бөлігі 6,7 тармақтары тәртібімен түскен өтінішхаттар, күзетпен ұстаудың мерзімін ұзартуда туындаған мәселелерді талқылады

         02.06.2023 жылы Орал қаласының мамандандырылған тергеу сотының м.а. А.Қ.Исмайловтың төрағалық етумен, тергеу сотының судьясы С.И.Жунисбаев, Орал қаласының прокуроры М.С.Тілеулиев, БҚО ПД ТБ бастығы С.С.Аисов және құқық қорғау органдарының тергеу басқармалары басшыларының қатысуымен дөңгелек үстел өтті.

         Шараны аша отырып, сот төрағасының м.а. А.Қ.Исмайлов қылмыстық процеске тартылған тұлғалардан қылмыстық қудалау және прокуратура органдарының іс-әрекеттеріне түсетін шағымдар саны өскенін және статистикалық мәліметтерге сәйкес, сот төрағасы статистикалық деректерге сай 2023 жылы қылмыстық қудалау органдарының тергеу судьясына 104 азамат жүгінген, оның ішінде 42 шағым берушінің өтініштері кері қайтарылды. Сот шешім шығарғанға дейін жол берілген құқық бұзушылықтарды жою жүзеге асырылады. Сондай-ақ 62шағым қаралды, оның ішінде 22 қанағаттандырылды, оның 40 шағым қанағаттандырылусыз қалдырылды. Ағымдағы жылдың 5 ай аралығында 112 шағым келіп түсті, оның 46-і кері қайтарылды, 22 шағым қанағаттандырылды, қалған 41 қанағаттандырусыз қалдырылды. Орташа есеппен әрбір екінші шағым өз растауын тауып отыр.

         Өз баяндамасында судья С.И.Жунисбаев орын алған кемшіліктерге баяндай отырып, «Тергеушілермен тараптардың өтініштері назардан тыс қалады, қажетті сараптамалар уақытылы тағайындалмайды, тергеу әрекеттері айлап жүргізілмейтін фактілер де кездеседі» - деп судья сөзін аяқтады.

         Сонымен қатар, күзетпен ұстау туралы бұлтарпау шарасын мерзімін  ұзартуды қарау барысында туындаған мәселелерді нақтылап айтып өтті.

         Прокурорларда назардан тыс қалған жоқ. Қылмыстық қудалау органдарының тарапынан кемшіліктер нақты анықталса да прокурорлар жүз пайыз жағдайда арызданушының шағымын қанағаттандырусыз қалдыруды сұрайды.

         Өз тарапынан қылмыстық қудалау органдарының өкілдері жіберілетін кемшіліктерді кадрлардың жетіспеушілігімен және тергеушілердің жас құрамдығымен байланыстыра отырып, жоспарда дәріс сабақтары енгізілген кешенді шаралар ұйымдастырылатынын назарға жеткізді.

Дөңгелек үстелге соңында қатысушылар өз пікірлерімен алмасты.

Орал қаласының

мамандандырылған

тергеу соты