Кездейсоқ жыныстық қатынастың салдары
Ғаламтор, әлеуметтік жиелілер, ақпараттық құралдардын қазіргі танда қарқынды дамуына қарамастан, қоғамның өз денсаулығына пайдалы ақпаратпен қызығушылығы өте төмен. Ақпарат жетерлік, бірақ оны дер кезінде профилактикалық тұрғыда қарастыру көбісіне қызық емес. Осының салдарынан кездейсоқ жыныстық қатынас арқылы берілетін соз, мерез, АИТВ секілді инфекциялық аурулардың таралуы жүріп жатыр. Адамдар алдын алу ережелердің ретін сақтап жүрсе және өзінің денсаулығын, сондай-ақ жақын адамдардың денсаулығын ойлап жүрсе, бұл аурулар болмас еді.
Жыныстық қатынастағы аурулардан сақтану ережелері мынадай:
- Кездейсоқ жыныстық қатынастан сақтану.
- Мүшеқапты қолдану.
- Жеке тазалықты ұстану және жыныс мүшелердің гигиенасын сақтау.
- Бір жағдайларда жыныс жолмен жұғатын аурулар байқалса, медициналық көмекке жүгініп, тексерістен өтіп ем алу қажет.
- Дәрігердің тағайындауысыз емделуге болмайды, бұл аурудың асқынуына себеп болуы мүмкін.
АИТВ-инфекциясы - адамның иммунды тапшылық вирусы тудыратын жыныстық жол арқылы берілетін созылмалы жұқпалы ауру. Бұл ауру кезінде иммунологиялық реакцияларға жауапты моноциттер мен лимфоциттер вирусқа шабуыл жасап, ағзаның иммундық жүйесінің жұмысы бұзылады. АИТВ жұқтырған науқас уақыт өте келе инфекциядан немесе қатерлі ісіктен, әсіресе жиі қанның қатерлі ісіктерінен және лимфоидты тіндерде болатын-Капоши саркомасынан қайтыс болуы мүмкін. АИТВ-ның жыныстық жолдан басқа да жұғу жолдары бар:
- АИТВ вирусы бар аналардан құрсақтағы балаға жұғуы (жүктілік, босану және емгізу кезінде).
- АИТВ - мен жұқтырылған қанды біреуге қайта құю кезінде, сондықтан 100% жағдайда қан донорлары АИТВ-ға толық тексерілуден өтеді, АИТВ анықталған жағдайда донор болуға тыйым салынады.
- Есірткі пайдалану үшін ортақ шприцтерді қолданған кезде.
- Стерилизациядан өтпеген медициналық құралдар арқылы.
АИТВ қол алысқанда, бір бөлмеде тұрғанда, жөтелу және түшкіру, ыдыс-аяқ, киімдер арқылы және бассейн, монша, қолжуғыш, дәретхана бірге қолданғанда берілмейді.
Қазіргі кезде «халықтын осал топтар» деген маңызды ұғым бар, олар қатерлі аурулардың жұғуына жағдайы бар адамдар. АИТВ-мен зақымдалу үшін қауіпті топтар мыналар:
- Жыныс серіктестерін жиі ауыстыратын азаматтар.
- Гомосексуальді қатынасқа түсетін топтар.
- Инъекциялық есірткі тұтынушылары.
- Жезөкшелікпен айналысатын әйелдер.
Қорыта келе, осы жұқпаның таралу жолдарының алдын алудағы басты бағыттарына қауіпсіз мінез-құлық, жүріс-тұрыс, есірткі, кездейсоқ жыныстық қатынастан аулақ жүріп, өз басының денсаулығын ойлап, салауатты өмір сүру салтын қалыптастыруын негіздеуі керек! Егер сіз АИТВ жұқпасының жұқтыру қаупіне тап болсаңыз, ЖИТС орталығында АИТВ жұқпасына тегін, құпия түрде тексерілу сараптамасынан өтіп, білікті мамандардан кеңес алуыңызға болады. Біздің мекен-жайымыз Нұр-Сұлтан қ. Есенберлин к-сі, 5/1. Сенім телефондары: +7(7172) 38-04-64, +7(7172) 38-07-02, http://kazaids.kz/
Нұр-Сұлтан қаласы әкімдігінің «ЖИТС-тың алдын алу және оған қарсы күрес орталығы» МКҚК
Алдын алу бөлімінің меңгерушісі
А. Мухамедиев
[xfvalue_img]
1 пікір