Департамент қызметкерлері ШҚО жасөспірімдерді бейімдеу орталығының балаларын Жаңа жылмен құттықтады
Жаңа Жыл мерекесі қарсаңында Шығыс Қазақстан облысы бойынша Экономикалық тергеу департаментінің қызметкерлері орталықтағы балаларға жаңажылдық мереке сыйлады.
Жасөспірімдерді бейімдеу орталығы (ЖБО) - қиын жағдайға тап болған балаларға уақытша паналау орны болып табылады. Олар отбасыларына қайтқанша немесе балалар үйіне барғанша осы жерде уақытша тұрады.
ЖБО жас тәрбиеленушілері аз уақыттан бері Департаменттің қамқорлығына алынған. Қазіргі уақытта орталықта түрлі жастағы 27 ұл мен қыз тәрбиеленуде.
Департаменттің қызметкерлері балаларды мерекелермен, әсіресе жаңа жылмен құттықтап тұруды дәстүрге айналдырып тұрамыз деп шешті. Қиыншылыққа тап болған балалар үшін, бұл мереке жаңа үміт сыйлайды.
Олар бүлдіршіндерге мерекелік дастархан жайып, тәтті сыйлықтар мен қысқы киімдер сыйға тартты.
Орталық директоры Камиев Мерхат Мерғалымұлы Департамент қызметкерлеріне зор алғысын білдірді.
[xfvalue_img]
