Ювеналды соттың ұжымы Жамбыл облысы Тараз қаласындағы балалар мен жасөспірімдерге арналған арнайы мектепте және балаларды қолдау орталығында болды

         01 маусым Халықаралық мереке - Балаларды қорғау күні. Бұл күні балалар мен балаларға көптеген мерекелік және көңілді іс-шаралар ұйымдастырылады.

        Ювеналды сот мереке күніне орай балалар мен жасөспірімдерге арнайы мектептің тәрбиеленушілері мен өмірде қиын жағдайға тап болған балаларды қолдау орталығының тәрбиеленушілерінің арасында "Бақытты отбасы-бақытты ел" тақырыбында сурет салу бойынша байқау жариялады.

        01 маусым 2020 жылы Ювеналды сот балаларды мерекелерімен құттықтап, сурет салу бойынша жеңімпаздарға жүлделі орындар мен естелікке сыйлықтар табыс етілді. Сонымен қатар, балаларды қолдау орталығының әр отбасына мереке күніне сыйлықтар мен тәттілер табысталды.

        Балалар мен жасөспірімдерге арналған арнаулы  мектеп тәрбиеленушілері мен балаларды қолдау орталығының тәрбиешілерінің қатысуларымен концерттік бағдарлама көрсетілді.

        Кездесу барысында сот төрағасы Е. М. Дүйсенбаев тәрбиеленушілерге зор денсаулық, оқуларына табыс тіледі.

     Оқытушылар мен тәрбиешілерге олардың балаларға сыйлаған жылы лебіздері үшін, балалардың тәрбиесі мен білім алуына қосқан үлесі үшін алғысын білдірді.

 Жамбыл облысының кәмелетке толмағандардың істері жөніндегі мамандандырылған ауданаралық сотының баспасөз қызметі