ҚР Сыбайлас жемқорлыққа қарсы іс-қимыл агенттігі мен Мемлекеттік қызмет істері агенттігінің онлайн-кездесуі

Ағымдағы жылдың 18 маусымда Мемлекеттік қызмет істері агенттігі мен Сыбайлас жемқорлыққа қарсы іс-қимыл агенттігі арасындағы ынтымақтастық туралы меморандум аясында онлайн-кездесу өтті. Кездесу барысында сыбайлас жемқорлыққа қарсы заңнаманың новеллалары және сыбайлас жемқорлық құқық бұзушылықтардың алдын алу шаралары талқыланды.

Семинар аясында Сыбайлас жемқорлыққа қарсы қызмет қызметкерлері ағымдағы жылы орталық және жергілікті атқарушы органдарда сыбайлас жемқорлықтың себептері мен жағдайларының статистикасы мен талдаулары келтіре отырып, Мемлекеттік қызмет саласындағы сыбайлас жемқорлыққа қарсы мониторинг пен әлеуметтік зерттеулердің нәтижелерімен таныстырды.

Сарапшылар мемлекеттік органдардың ерекшелігін ескере отырып, сыбайлас жемқорлық тәуекелдеріне ішкі талдау жүргізу бойынша егжей-тегжейлі ұсыныстар берді, сыбайлас жемқорлыққа неғұрлым бейім жұмыс учаскелерінде назар аударылды.

Атап айтқанда, сыбайлас жемқорлық факторларының және тәуекелдердің сәйкестендіру белгілері, сондай-ақ оларды жоюдың ұсынылған тәсілдері туралы айтылды.

Онлайн-кездесуге Мемлекеттік қызмет істері агенттігінің орталық аппаратының, аумақтық бөлімшелерінің және ведомстволық бағынысты ұйымдарының қызметкерлері үлкен қызығушылықпен қатысты.

ЕГЕР СІЗГЕ СЫБАЙЛАС ЖЕМҚОРЛЫҚ ЖАҒДАЙЛАРЫ ТУРАЛЫ БЕЛГІЛІ БОЛСА, СІЗ 1424 CALL-ОРТАЛЫҒЫНА 24/7 РЕЖИМІНДЕ ХАБАРЛАСА АЛАСЫЗ.