ШҚО-да кеден зертханасы саласындағы сыбайлас жемқорлық тәуекелдері талқыланды

ШҚО сыбайлас жемқорлыққа қарсы қызметінің «Антикор орталығында» "Орталық кеден зертханасы" РММ ұжымының қатысуымен кеден зертханасы саласындағы сыбайлас жемқорлық тәуекелдерін талқылау және ҚР Сыбайлас жемқорлыққа қарсы заңнамасының новеллаларын түсіндіру бойынша кездесу өткізілді.

Аталған кездесу барысында кедендік зертхана саласындағы сыбайлас жемқорлық тәуекелдері: сыбайлас жемқорлық тәуекелдеріне ішкі талдау жүргізу, аудио, бейнежазбаларды тіркеу мәселелері, жазбаларды сақтау мерзімдері, қызмет алушылармен тікелей байланыс мәселелері талқыланды.

Сондай-ақ, кездесу барысында ШҚО сыбайлас жемқорлыққа қарсы қызметінің ппревенция және парасаттылық басқармасының басшысы                     Р.Б.Набиев Мемлекет басшысы "Қазақстан Республикасының кейбір заңнамалық актілеріне Мемлекеттік қызмет және сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы" ҚР Заңына қол қойғандығын атап өтті. "Сондықтан да, біз баршаңызды, соның ішінде сіздердің қызметіңізді сыбайлас жемқорлықтың алдын алу жұмыстарын тиісті деңгейде жүргізуге шақырамыз" - деп түйіндеді Р.Набиев.