Сайлау туралы заңнаманы қолдану күн тәртібінде
Орал қаласының №2 сотында сайлау туралы заңнаманы қолдану мәселелері бойынша семинар өтті. Семинар жұмысына облыстық сот судьясы, оқу бағдарламаларын үйлестірушісі Ерлан Идиров, облыстық сайлау комиссиясының хатшысы Күнсауле Аралбекова, сондай-ақ аудандық және оған теңестірілген соттардың судьялары бейнеконференц байланысы арқылы қатысты.
Семинар аталған санаттағы істер бойынша сот төрелігін дұрыс және біркелкі жүргізуді қамтамасыз ету мақсатында ұйымдастырылды.
Сайлау комиссиясының хатшысы К.Аралбекова атап өткендей, 2021 жылдың наурыз айында Конституциямен тағайындалған маслихаттардың бес жылдық өкілеттіліктері аяқталады. «Қазақстан Республикасының сайлау туралы» заңына сәйкес кезекті сайлау Орталық сайлау комиссиясымен өкілеттілік тоқтатылғанға дейін үш ай бұрын мерзімге тағайындалады.
Атап өту керек, енгізілген өзгерістерге сәйкес, сайлау алғаш рет пропорционалды жүйе негізінде жүзеге асырылады.
Іс-шараның қатысушыларымен сотта сайлауға байланысты тиісті іс-шаралар жасалғанын және жауапты судьялар бекітілгені жөнінде хабарланды.
Олеся Ташимова
Орал қаласының №2 соты
[xfvalue_img]
