Сотпен түсіндіру шарасы «ҚазТрансГазАймақ» АҚ-нда өтті

Батыс Қазақстан облысы Орал қаласы №2 сотының ұйымдастырумен даудың соттан тыс шешілуінің ауқымын кеңейту, медиация институтын дәріптеу мақсатында «ҚазТрансГазАймақ» акционерлік қоғамының филиалында еңбек заңнамасын сақтауға бағытталған іс-шара өтті. Түсіндіру жұмыстарына сот судьясы Гүлнар Мусаурова, сондай-ақ Еңбек инспекциясының мемлекеттік инспекторы Артур Батыров және облыстың кәсіподақ орталығының өкілі Зина Төлеуғалиева қатысты.Судья Г.Мусаурова ҚР Президенті Қ.Тоқаевтың 2019 жылдың 02 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» Жолдауына, ҚР Жоғарғы Сотымен жүзеге асырылып отырған «Татуластыру: сотқа дейін, сотта», сонымен қатар еңбек ұжымдарындағы қақтығыстарды қысқартуға бағытталған «Еңбек дауларын және жария-құқықтық қатынастардан туындайтын дауларды алдын алу» пилоттық жобаларына тоқталды. Судья пилоттық жобаның мақсаты жеке даудың қаралуы және шешілуі соттан тыс және сотқа дейінгі тәртіпте кәсіподақ өкілдерінің қатысуымен келісу комиссиясы тарапынан жүргізілетінін атап өтті.Кездесудің қорытындысы бойынша барлық қатысушылар еңбек дауларын шешуде бірқатар нақты тиімді шаралар әзірлеу туралы келісті. 

О.ТашимоваОрал қаласының №2 сотының БАҚ-пен жұмысқа жауапты маманы