ҚР сот менеджменті – ХСӘҚ және Сот төрелігінің тиімділігі жөніндегі Еуропалық комиссияның жоғары бағасы
◾ ҚР Сот әкімшілігі (ҚР СӘ) бір жылға жуық уақыт бойы жұмыс істеп келе жатқан сот менеджментінің моделі жетекші шетелдік сарапшылар мен ұйымдардың назарын аударды.
◾ Озық шетелдік практиканы ескере отырып, ҚР сот әкімшілігін дамыту стратегиясының жобасы әзірленді.
◾ Оны “дөңгелек үстелде” талқылауға Парламент депутаттары, мемлекеттік органдар, халықаралық ұйымдар, адвокаттар қауымдастығы өкілдері, заңгерлер жиналды.
◾ ҚР Президентінің құқықтық мәселелер жөніндегі көмекшісі Ержан Жиенбаев, ХСӘҚ (МАСА) президенті Луис Пальма және Сот төрелігінің тиімділігі жөніндегі Еуропалық комиссияның (CEPEJ) президенті Франческо Депаскуаль Қазақстанның сот менеджменті моделінің прогрессивтілігін және соттардың IT-өнімдерін атап өтті.
◾ Халықаралық сот ұйымдарының қызығушылығы - ҚР сот әкімшілігі саласындағы көшбасшылардың бірі ретінде беделін тану болып табылады.
◾ Астанадағы ЕҚЫҰ Бағдарламалар офисінің басшысы Фолькер Фробарт ҚР автономиялық СӘ-нің құрылуы оның басқа мемлекеттік және сот органдарымен өзара іс-қимылын одан әрі заңнамалық тұрғыдан реттеуді талап ететін батыл қадам екенін анықтады.
◾ Стратегия, ең алдымен, Мемлекет басшысының сот әкімшілігі саласындағы мемлекеттік саясатты қалыптастыру, сот төрелігін тәуелсіз жүзеге асыру үшін жағдай жасау және сот жүйесі мен соттардың қызметін жетілдіру бойынша жүйелі реформаларды әзірлеу жөнінде алға қойған міндеттерді сапалы орындауға арналған.
◾ Бұл туралы өз сөзінде ҚР СӘ басшысы Н.Ахметзакиров СӘ-нің қызметі сот жүйесіне деген сенімді арттыруға және ұзақ мерзімді келешекте “Соттар болашағына” өтуге жағдай жасауға бағытталғанын атап өтті.
◾ Стратегиялық бағыттар ретінде тиімді сот менеджменті, соттарды сапалы қамтамасыз ету және жүйелі даму айқындалды.
◾ Мұның бәрі соттардың тәуелсіздігін нығайтуға және заң үстемдігі қағидатын жүзеге асыруды қамтамасыз етуге мүмкіндік береді.
◾ Сындарлы пікірталас өтті. Оған қатысушылар алдағы уақытта бірлескен жұмыс үшін бірқатар нақты іс-шараларды белгіледі.
◾ Еске сала кетсек, бұған дейін Мемлекет басшысының SEPEJ президенті Франческо Депаскуалемен және MASA президенті Луис Пальмамен кездесуінде сот әкімшілігін дамыту мәселелері талқыланған болатын.
https://t.me/aqorda_resmi/20148
[xfvalue_img]
77 пікір