Кассациялық соттардың мақсаты
2024 жылы шілдеде мемлекет басшысы Қ.Тоқаев тәуелсіз кассациялық соттарды құруды көздейтін Конституциялық заңға қол қойды. Бүгінгі қабылданған заң кассациялық сот ісін жүргізу тәртібін жетілдіруге бағытталған.
Заңда азаматтық және қылмыстық істерді кассациялық сатыда алдын ала қарауды алып тастау ұсынылған. Енді азаматтар сот актілерін қайта қарау туралы арыз емес кассациялық шағым түсіретін болады. Сот ісін жүргізудің барлық түріне кассациялық қадағалаудың бірыңғай ережелері енгізіледі. Енді әкімшілік істер бойынша сот актілері аппеляциялық шағым жасалғаннан кейін заңды күшіне енеді.
2025 жылдың 1 шілдесінен бастап тәуелсіз кассациялық соттардың құрылуына байланысты Жоғарғы соттың рөлі өзгереді.
Қазақстанның құқықтық жүйесі соңғы жылдары бірқатар маңызды өзгерістер мен реформаларды бастан өткеруде, солардың бірі – кассациялық соттардың құрылуы. Бұл реформа әділетті сот жүйесін күшейтіп, азаматтардың құқықтарын қорғауды жақсартуға бағытталған. Кассациялық соттар сот жүйесінде жаңа деңгей ретінде әрекет етіп, сот актілерін қайта қарауға және заңды қадағалауды күшейтуге жол ашады.
Кассациялық соттардың негізгі мақсаты – әділдікті қамтамасыз ету, қателіктер мен заң бұзушылықтардың алдын алу, сондай-ақ аппеляциялық соттардың шешімдерін қайта қарау мүмкіндігін ұсыну. Ал негізгі міндетіне сот шешімдерінің заңдылығын тексеру. Олар аппеляциялық соттардың шешімдерін құқықтық тұрғыдан бағалап, заң талаптарына сай болуын қадағалайды.
Ең бастысы, бұл кассациялық орган толық тәуелсіз болады, жаңа жүйе аясында кассациялық сатыдағы соттар істерді алты айдан аспайтын мерзімде қарайды. Сот талқылауы тараптардың қатысуымен ауызша өткізіледі.
А.Искакова
БҚО, Жаңақала аудандық соты әкімшісінің басшысы
[xfvalue_img]
39 пікір