Тіл – мемлекет тірегі
«Тілін білмеген – тегін білмейді» деген атам қазақ. Бүгінгідей ел болып еңсе көтерген тұста ана тіліміздің қадірі мен қасиетін арттырып, мемлекеттік тілдің мәртебесін көтеру маңызды мәселелердің бірі болып отыр.
Тіл – мемлекеттің тұғырлы тірегі, халықтың рухани байлығы, халықтың сан ғасырлық тарихы. Өз ана тілі жоқ ел мемлекет болып өмір сүре алмайды. Әрбір халық тілін, мәдениетін, дінін сақтап қалу үшін тәуелсіздікке ұмтылады. Тіл – тәуелсіздіктің айғағы. Тіл мен егемендік егіз ұғым. Тілсіз – тәуелсіздік, егемендіксіз – тіл болмайды. Халықтың тәуелсіздігінің ең басты белгісі – оның ана тілі. Ұлттық мәдениеті жоқ ел ешқашан егеменді ел болмайды.
Қазақстан Республикасы өз тәуелсіздігін жарияланғаннан кейін 1997 жылы 11 шілдеде Қазақстан Республикасының «Тіл туралы» заңы қабылданды. Бұл заң бойынша Қазақстан Республикасында қазақ тілі мемлекеттік тіл болып табылады. Қазақ тілі – қазақ халқының ана тілі. «Тіл туралы» заңының 4 бабында: «Қазақстан халқын топтастырудың аса маңызды факторы болып табылатын мемлекеттік тілді меңгеру - Қазақстан Республикасының әрбір азаматының парызы».
Мемлекеттік тілдің қоғамдағы алатын орны ерекше. Мемлекеттік тілдің мәртебесінің өсуіне, іс қағаздарының қазақ тіліне толық көшуіне әрбір қазақстандық үлес қосуы керек. Қазіргі таңда мемлекеттік тілді білу заман сұранысы.
Елімізде жыл сайын ұлтаралық қатынастарды нығайту мақсатында «Қазақстан халықтары тілдері мерекесі» аталып өтуде. Мемлекеттік тілде іс жүргізу сапасы артуда. Тіл – ұлттың рухы, бет-бейнесі, өткені мен бүгіні және болашағы, ұрпақ тәрбиелеуге ықпал ететін құрал.
«Өзге тілдің бәрін біл – өз тіліңді құрметте» демекші қазақ тілінің мәртебесін биікке көтеру өз қолымызда!
Данара Уразаева
Орал қаласының №2 соты кеңсесінің ж етекші маманы
[xfvalue_img]
