Мемлекеттік тіл – елдігіміздің тірегі
Мемлекеттік тіл – әрбір тәуелсіз елдің басты құндылықтарының бірі. Ол халықтың тарихын, мәдениетін, салт-дәстүрін және ұлттық болмысын сақтайтын маңызды құрал. Тіл – ұлттың жаны, елдің бірлігі мен тәуелсіздігінің белгісі.
Қазақстан Республикасының мемлекеттік тілі – қазақ тілі. Бұл Қазақстан Республикасының Конституциясында нақты белгіленген. Қазақ тілі – халқымыздың ғасырлар бойы қалыптасқан асыл мұрасы, рухани байлығы.
Мемлекеттік тілді құрметтеу – әрбір азаматтың парызы. Қазақ тілін білу, оны күнделікті өмірде қолдану және болашақ ұрпаққа жеткізу – баршамыздың ортақ міндетіміз. Тіл тек қарым-қатынас құралы ғана емес, ол халықты біріктіретін, қоғамдағы ынтымақ пен бірлікті нығайтатын күш.
Бүгінгі таңда мемлекеттік тілдің қолданыс аясын кеңейту маңызды мәселелердің бірі болып отыр. Мемлекеттік мекемелерде, білім беру ұйымдарында, сот жүйесінде, бұқаралық ақпарат құралдарында және қоғамдық орындарда қазақ тілінің қолданылуына ерекше көңіл бөлінуі қажет.
Әсіресе, жас ұрпақтың қазақ тілін жетік меңгеріп, оны мақтанышпен қолдануы маңызды. Себебі тілдің болашағы – жастардың қолында.
Қазақ тілінің дамуы мен өркендеуі тек мемлекеттік органдардың ғана емес, бүкіл қоғамның жауапкершілігі. Әрбір азамат мемлекеттік тілге құрметпен қарап, оның мәртебесін көтеруге өз үлесін қосуы керек.
Қорытындылай келе, мемлекеттік тіл – тәуелсіздігіміздің тұғыры, ұлттық бірлігіміздің негізі. Тілімізді құрметтеу – Отанымызды құрметтеу. Ана тілімізді ардақтап, мемлекеттік тілдің мәртебесін көтеру – баршамыздың азаматтық борышымыз.
БҚО қылмыстық істер жөніндегі мамандандырылған ауданаралық соты әкімшісінің аға сот приставы
Р.Х.Габбасов
[xfvalue_img]
