Жаңақала аудандық сотының 2026 жылдың 6 айлық қорытындысы бойынша ақпараттық порталға арналған брифинг

Жаңақала аудандық соты: 2026 жылдың алғашқы жартыжылдығы қорытындыланды

Жаңақала аудандық сотында 2026 жылдың алғашқы алты айындағы сот төрелігін жүзеге асыру қорытындыланып, азаматтық, қылмыстық және әкімшілік істер бойынша негізгі көрсеткіштер сараланды.

Азаматтық істер бойынша

Есепті кезеңде сотқа 235 талап арыз түсіп, өткен жылдың сәйкес кезеңімен салыстырғанда 25 пайызға артты (2025 жылы – 177 арыз). Қозғалған азаматтық істер саны 163-ке жетіп, өткен жылмен салыстырғанда 24 пайызға көбейді.

Алты ай ішінде 172 азаматтық іс аяқталды, оның ішінде:

99 іс шешім шығарумен аяқталды;

42 іс сот бұйрығын шығару арқылы қаралды;

69 іс оңайлатылған іс жүргізу тәртібімен қаралды;

98 талап қанағаттандырылды.

Есепті кезеңде азаматтық істерді қарау мерзімдері бұзылған жоқ. Қабылдаудан бас тартылған арыздар тіркелмеген. Апелляциялық сатыда қаралған 1 азаматтық іс өзгеріссіз қалдырылды, ал кассациялық тәртіпте істер қаралған жоқ.

Қылмыстық істер бойынша

2026 жылдың алғашқы жартысында сот өндірісіне 9 қылмыстық іс түсіп, олар 15 тұлғаға қатысты болды.

Барлығы 9 қылмыстық іс аяқталды, оның ішінде:

6 тұлғаға қатысты 5 іс бойынша үкім шығарылды;

4 іс соттылығы бойынша жолданды;

есепті кезең соңында 1 іс өндірісте қалды.

Тергеу судьясының өндірісінде 11 санкциялау туралы өтініш қаралып, оның 6-уы қанағаттандырылып, 2-еуі қанағаттандырудан бас тартылды.

Апелляциялық және кассациялық сатыларда қылмыстық істер бойынша шағымдар тіркелмеді. Жеке қаулылар шығарылған жоқ.

Әкімшілік құқық бұзушылық туралы істер

Есепті кезеңде сотқа 130 әкімшілік іс түсіп, оның 117-сі қаралды.

Қаралған істердің нәтижесінде:

105 тұлғаға әкімшілік жаза қолданылды;

4 іс қысқартылды (оның ішінде 2 іс медиация тәртібімен);

есепті кезең соңында 18 іс қалдықта қалды. 

Тағайындалған әкімшілік жазалар:

айыппұл – 43;

ескерту – 3;

әкімшілік қамақ – 47;

Қазақстан Республикасының шегінен шығарып жіберу – 2;

қоғамдық жұмыстар – 10.

Әкімшілік істер бойынша 2 жеке қаулы шығарылды. Апелляциялық тәртіпте қаралған 2 әкімшілік іс бойынша сот актілері өзгеріссіз қалдырылды, кассациялық сатыда істер қаралған жоқ.

Сот қызметінің сапасы

Есепті кезеңде сот төрелігін жүзеге асыру барысында істердің қаралу мерзімдерінің сақталуына және қабылданған сот актілерінің сапасына тұрақты бақылау жүргізілді. Судьялар сот шешімдерінің мазмұны мен құқықтық негіздерін азаматтарға түсіндіру жұмыстарын жүйелі түрде жүргізіп келеді.

Жаңақала аудандық соты алдағы уақытта да сот төрелігінің сапасын арттыру, азаматтардың құқықтары мен заңды мүдделерін тиімді қорғау және сот қызметінің ашықтығы мен қолжетімділігін қамтамасыз ету бағытындағы жұмыстарды жалғастырады.

Батыс Қазақстан облысы бойынша департаментінің Жаңақала аудандық сот әкімшісі